|
Great Food
|
|
mjqueen7e
2015-07-08
231
0
|
分享
收藏
尖沙咀厚福街向來都是食街，台、韓、越菜雲集，尤其是街尾的潮流食廈H8，更吸引咗唔少優質食肆進駐。早前友人推介我試試位於 H8 一間集意大利、法國、西班牙、葡萄牙歐陸菜於一身的食肆《BEL CIBO》，說餐廳無論在食材配搭，以至烹調方法上都加入了 Fusion 元素，所以菜式新派得來又夠創新。嘩，聽落好似幾吸引，原來 Bel Cibo 是意大利文，解作美味可口的食物，就一於約埋好友齊齊去吃頓晚飯。 餐廳位處厚福街 H8 十二樓，店裡沒有我想像中的景致，而且裝潢偏暗，用上黑灰色為主調，不過設計帶濃厚的歐陸風格，尤其是用餐區的幾盞華麗水晶燈，盡顯瑰麗氣派。另外，可能是由於我們到訪當日，時間尚早的關係，餐廳裡並沒有其他食客，所以感覺特別舒適寫意。 由於我和友人兩個都食量不大，所以決定放棄當晚的二人晚餐，先各自點飲品，再加兩款頭盤、餐湯、一客 pizza 和主菜。其實餐牌有唔少酒精類的飲品，不過筆者還是較喜愛這杯菠蘿汁 ($25)，入口冰凍香甜。 頭盤點了清新怡人的香芒鮮蝦塔野菜沙律 ($108)，又甜又多汁兼且營養豐富的芒果，向來都是夏日人氣之選，再配上爽脆彈牙的蝦肉和芒果油醋汁，入口香甜得來又帶點兒微酸，非常醒胃，加埋旁邊的沙律菜一起吃，將鮮蝦的甜美發揮得淋漓盡致。 至於另一客酥盒釀田螺 ($78)，自家製的酥皮，入口鬆脆，充滿牛油的香味，而友人就特別喜愛酥盒面頭、混合咗雜椒去炒的田螺肉，說肥美得來又夠厚身，加上肉質結實有嚼勁，配內裡的薯蓉一起吃，甘腴惹味。 點了兩客湯，分別是黑松露菌湯及西蘭花藍芝士濃湯。前者黑松露菌湯 ($68)，成品由雜菌煮成，入口雖稍嫌略鹹，但菌味濃郁，端上來時幽幽菌香，隨輕煙飄送四周，配上香脆的麵包條吃，味道不俗；反而後者西蘭花藍芝士濃湯 ($68)，藍芝士的味道，實在過於突出，完全將西蘭花的清新香氣蓋過，如果不好芝士的話，建議還是另作它選。 薄餅點了西班牙黑毛豬風乾火腿煙鴨胸 ($148)，薄薄的批底上面加了甘香的西班牙黑毛豬風乾火腿、沙律菜及濃郁的芝士，配料雖然唔算好大堆頭，但入口鹹香惹味、層次分明；而最教人驚喜的，就是原來薄餅內裡更藏著一層厚厚的煙鴨胸，令食味更加豐富。 壓軸的主菜揀咗 ($228)，來自日本沖繩的活性水飼豬，肉質清爽不帶豬臊味，而餐廳更特別挑選咗肉邊帶有少許脂肪的豬鞍位置，切至厚薄適中，不加任何調味料，再燒至半生熟。端上來切開入口，豬鞍咬下肉質爽脆彈牙，肉味濃郁，夠曬原汁原味，以底下軟滑的薯蓉伴吃，滋味滿分。由於大家都食力有限，所以沒點甜品，還是留個藉口，好讓下次再訪吧！
感謝 mjqueen7e 提供以上資料 mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong
|
~END~
人均
$411.00
| 商店 | BEL CIBO Restaurant |