一向愛做平價泰式按摩，試過灣仔同旺角，呢排想試吓眾多泰國人聚集既九龍城。 之前試過Sabai, 但第二次去個師傅完全唔掂，所以今次揀左呢間。唐樓內既店，冇房，只有8至10個間隔。平價按摩，預左環境普通，但這裡環境整潔，每個間隔有獨立牆燈，按摩時熄掉，個人放鬆啲。

一坐低按摩師已攞住一盤加了青檸既暖水，再加浴鹽同你洗腳，非常舒服，絕大部分其他店舖已沒有這個服務，激讚!

做了1 part(60 min) 泰式加1 part推油，師傅(亞omg)手勢非常好，剛柔並重，力度適中，非常到位，尤其向兩邊扭腰拉背，擺好姿勢，緩緩拉到盡，唔似好多技師好快咁扯一扯，拉完鬆晒! 推油時叫師傅集中背面頸背腰腳，師傅非常細心，自己會因應你既反應調節力度，知道你舒服既位置又會加力同你按耐啲，是灣仔Bua Hom Sara Thai之外最舒服的一間, 最後仲加左半part!

============================================


感謝Z1Z提供以上評論
Z1Z的網站：www.zoneonezone.com

============================================