大肥豬的生日布甸

15 JUNE 2014(SUN)

繼尋日係小豬媽生日之後，今日又到大肥豬生日，今年生日兼係父親節，所以真係雙重意義呀！

生日又點可以少得生日蛋糕呢？不過因為大肥豬一向都唔鐘意食蛋糕，所以我就決定同小小豬一齊整左個提子藍梅Bear Bear布丁，當係生日兼父親節禮物啦~

其實我依個做法都係依照之後肥媽版嘅芒果布甸嚟整(請按此)，不過就改左個味道。其實我都係第一次整芒果之外嘅布甸。

點解我會諗到依個整法？咪就係因為見到近排成日見到Häagen-Dazs™最新推出嘅藍梅雪糕，見到幅相片就令我諗到依個提子啫喱粉加入藍梅生果嘅做法。加上小小豬又勁鐘意食藍梅，所以就趁今日未去街街前整依個生日布甸，等我地去完街街返嚟有得食啦！

因為係送俾大肥豬嘅生日兼父親節禮物，所以全程我都俾小小豬負責，我只係幫手做準備功夫。成日同小小豬嚟親子廚房，所以好多步驟佢都已經好熟識，已經開始學憧慢慢細心咁做，而且都做做得好好添！

準備兩包提子啫喱粉~

加入暖水一杯半~

淡奶一杯~

最後加埋啲藍梅拌勻~

然後倒入容器~

之後放入雪櫃冷卻~

今日話晒都係生日兼父親節，所以我地下午入左科學園勁玩(請留意下篇分享)。玩到晚上返到屋企，個生日布甸就可以食得啦~

哈哈哈...紫色嘅BEAR BEAR蛋糕好靚呀~

話就話係大肥豬嘅生日兼父親節禮物，但食得最開心嗰個就係小小豬。睇大肥豬見到小小豬食得滋味嗰個樣，即刻展露出個慈父樣，因為依個廿四孝好爸爸咩都以個仔行先，佢見個仔開心就得啦~

坦白講，始終都係第一次整依個味道，所以起頭都有少少擔心唔知係咩味，驚整出嚟唔好味，咁就真係好掃興。

不過原來用提子同藍梅個味都好夾，我地都覺得比芒果布甸仲好食，所以我地三人就係極速嘅情況下KO晒成個布甸呀~

哈哈哈...今日依個提子藍梅生日布甸總算係大成功，尤其依個配搭係自己諗出嚟，所以真係勁有滿足感呀！

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※