煲薑醋

15 JULY 2010 (THU)

時間都差不多，係時候要開始煲薑醋啦！

依個重要任務我當然係全權交晒俾小豬媽負責(因為我唔識嘛..哈哈)，小豬媽係上兩個星期開始已經密密手刨薑，一個人刨左成十五斤薑，真係辛苦晒呀。

原本小豬媽都打算嚟我屋企煲，不過為怕我地唔識會倒亂檔之餘又唔想成日嚟我地屋企睇火，所以最後都係決定係小豬媽屋企煲，等煲好大半先再拎嚟我地屋企。

經過小豬媽嘅努力，終於都整好煲好左第一批薑醋，今日仲叫左小豬爸車嚟我屋企做後加工作呀！

第一批拎嚟嘅十五斤薑醋~

有薑當然要加醋啦~

落煲啦，仲未計豬腳同雞蛋，都已經好大煲啦~

嚟緊就係我嘅工作，每四日就滾一滾，等啲薑入味啲，煲到小小豬出世咁就得啦！

哈哈...依一煲係第一批，主要係俾我食同埋招呼探我地嘅朋友。係小豬媽屋企又已經開始煲緊第二批，又嚟十五斤薑，真係辛苦晒小豬媽，所以我一定會教小小豬要好好咁錫小豬媽補數先得呀！

除左薑醋之外，小豬媽仲整左啲薑皮俾我，等我坐月時用嚟洗頭沖涼呀~