1 JULY 2010 (THU)
距離可以見小小豬嘅時間越嚟越近，所以好多小小豬嘅用品都要開始整理。尋日小豬媽嚟左我屋企食飯，我就將小小豬所有嘅戰利品俾佢睇。
一睇之下，原來除左衫仔係好足夠之外，仲有啲日用品我係未買，所以就趁今日有時間出左MEGA BOX吉之島睇吓啦！
依間吉之島嘅嬰兒部真係超細，都唔係咁好行。雖然今次冇BB展咁做大特價，不過有啲CHICCO用品就有折扣，加上可能係新開關係，全部貨品都有九五折，所以行左一陣，我又滿載而歸啦~
哈哈...買埋依啲日用品，小小豬需要用嘅用品都應該齊(如果有準媽媽見我仲差啲乜，麻煩通知我一聲呀)。依家都應該差我嘅日用品同老佬袋未準備，應該依個星期都會去買埋。
下星期就開始幫小小豬洗埋啲衫仔、被仔同毛巾仔，咁就安心晒，靜心等待小小豬來臨啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
