依個餸之前小豬媽都會間唔中煮,所以我都識識地,都煮得幾好,真係好鐘意食鮮百合呀!
最後一個就係涼瓜炒蛋~
炒蛋真係好蝦人炒,雖然都叫做掌握到小豬媽所講嘅技巧,不過始終都係覺得好難,好驚會炒燶晒之餘又怕炒得太碎,所以我真係好唔鐘意炒蛋。不過奈何大肥豬鐘意食,加上小豬媽又話唔可以因為怕而唔去煮,所以我就好俾心機咁去學,終於...煮左幾次,我終於都叫做煮到一碟靚靚仔仔嘅炒蛋啦!
我要繼續努力,希望可以煮多啲唔同種類嘅菜式俾屋企人食。如果大家有啲好食、易煮同埋健康嘅菜式,記得介紹俾我,等我可以唔洗成日頭痛煮乜嘛!
薯絲炒肉碎
材料:
薯仔 2個
豬肉碎 約$15
蒜蓉 少許
製法:
1. 薯仔去皮切絲,用水浸半小時或以上後瀝乾水份;肉碎用豉油、老抽、糖、粟粉、麻油各少許醃15分鐘
2. 先燒紅油鑊快炒肉碎至8成熟後盛起
3. 再加2湯匙油爆香蒜蓉加薯絲舖平略煎至兩面少許金黃色,加入肉碎快炒至薯絲軟身(全程不用加水)
鮮百合蜜糖豆炒豬肉
材料:
豬 肉
蜜 糖 豆
鮮 百 合 1 球
薑
製法:
1. 所 有 材 料 洗 淨 及 處 理 好 , 豬 肉 用生 粉生 抽麻 油醃 料 醃 20 分 鐘 。 調 味 料 預 先 混 合 好 。
2. 豬 肉 用 少 許 油 炒 片 刻 , 盛 起 待 用 。 蜜 糖 豆 飛 水 。
3. 再 熱 鑊 加 少 許 油 , 用薑爆香鑊, 再下蜜糖豆及百合瓣炒至熟透後 加 豬肉炒勻,再下加鹽、生抽,用生粉勾芡即可。