今日一早就去左陪奶奶同姑奶去探其中一位大伯個BB,個BB都係等幾十日人仔,真係好得意呀!不過就係因為太細個,我唔敢抱,只係遠望啦!
探完BB,大家都冇下文,所以就各自返屋企啦!所以我就返自己屋企玩煮飯仔啦...因為今日係大結局,邊度都唔去,等睇電視呀!
依一餐就係我地嘅晚餐啦!
係唔係好豐富呢?二餸一湯,白飯任裝。哈哈哈~~不過依餐飯同一時間就表現左叻同失敗嘅一面。
叻嘅就係...我今日用左好一個鐘多少少就煮好依餐飯啦!連大肥豬都話我快手呀!哈哈...
失敗就係...我碟雞蛋炒腸仔可能我落得多左鹽,好咸呀...雖然大肥豬都話可以食到,不過咁咸我又點忍心見佢食呀,所以依碟餸食左好少。
第一次係執碗時見到仲有成碟係度,都真係有少少唔開心。唉...不過又鬼叫自己真係衰左呀,下次再繼續努力先得!
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================