今日因為小豬媽有朋友生日去左慶祝，所以又到我煮飯仔嘅時候啦！不過今餐飯都煮得好趕呀！
原本叫LULU妹放工去到北角地鐵站打俾我，我先開始煮，咁可以唔洗整凍晒D餸嘛！點知佢掛住打機，去到屋企附近先打番嚟，所以就要極速咁煮啦！好在我之前已經整好晒，咁都只係煮。
但都係因為趕住煮關係，我好唔小心咁將D薹爆鑊時落左少少水，攪到彈起晒，仲彈到上眼角呀~~真係好鬼痛呀！不過都要繼續煮埋佢呀！
依餐就係我今日嘅傑作~~
今日餐飯真係食得好開心呀~~~因為所有野都清晒，大肥豬仲讚好好味，話我有進步呀！
所以...見佢地食得咁開心，真係油彈到抵呀~~不過...都依家都真係仲有少少痛呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
