哈哈...掛住講我份神秘禮物，都係時候講吓我同大肥豬結婚一周年紀念大日子嘅慶祝活動啦！
最衰就係平日，我又唔可以請假去玩，所以都係普通行街依飯就算啦！雖然係簡簡單單咁，不過我地個節目都幾豐富呀！
首先就係大肥豬請左假嚟接我放工，之後我地就向灣仔出發。因為我地想扮吓浪漫.....搭船去尖沙咀。
可能今日真係大浪左少少，離開碼頭嘅時候，大肥豬話有少少暈呀！(哈哈...竟然唔係我話暈呀~)
原本我地打算去海港城影靚相，點知....唔知邊個星明係度攪活動，所以封左條大道。攪到我冇得去影相，真係有少少嬲添！不過，大肥豬話好快帶我去影過呀~
之後我地就去行吓海旁，係維港夜景下影靚相。
行到攰攰地，我地就去食晚餐。食乜.....當然係食我最愛嘅壽司啦！
雖然係簡單嘅壽司店，不過都勁有氣氛，我地張枱仲有支水晶燈仔添.....都幾浪漫呀！哈哈~
我地嘅美食，樣樣都幾好味，都OK。不過仲有幾樣因為我太為食，所以冇影到相~~
食飽飽就再去SHOPPING一陣，咁就過左我地簡單但又開心嘅一周年慶祝活動啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
