25 SEPTEMBER 2013(WED) 今朝真係可以話起唔到身，因為成日都冇晒力，仲頭熱熱咁，一探熱之下，原來我發燒呀！
之前返工發燒就話可以請假休息一日，不過依家係FTM，要照顧小小豬又點可以休息呢？原本大肥豬都打算請一日假留低照顧我同小小豬，不過我又唔想為左我而影響到大肥豬工作，所以最後我就建議請LULU妹話嚟我屋企幫我照顧小小豬。
當LULU妹未嚟到之前，可能小小豬見我戴住個口罩，知道我唔舒服，所以都好乖乖咁冇煩住我自己一個人玩，我就瞓係梳化睇住佢。
等LULU中午嚟到之後，我就去左睇醫生。返到屋企就食藥瞓覺，小小豬同LULU妹就係客廳博鬥啦(不過全日小小豬都好乖，好聽LULU妹話，仲冇扭過計添)~
![]( "IMG_3861")
由於我唔放心LULU妹一個人帶住小小豬過海返學，所以經同大肥豬傾過之後，都係等小小豬放一日假啦！
真係好內疚，咁様病一病，攪到小小豬返唔到學。雖然話K1課程唔緊張，不過始終冇返學就好似唔多啱咁，所以我一定要好好保持自己身體健康，因為除左我自己之外，我仲要照顧小小豬，唔可以再病呀！
我地嘅FACEBOOK專頁，你LIKE左未呀~
![]()
記得關注埋我地個微博呀~
![]()
仲可以電郵俾我地添~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
