連埋部機身，真係好似幾有型(夠大部)，不過就好重手呀~
加埋個遮光罩就仲勁，好似好專業咁哦~
其實我開頭都唔係好明點解大肥豬會買依支鏡返嚟，講真.....我地又唔會去打雀(只會去打豬....即係影小小豬..呵呵呵)，所以咁長嘅鏡暫時對我地係冇乜用。
不過，大肥豬話自小小豬開始準備返學時，都已經開始計劃買支長...長...長鏡，買定嚟等小小豬返學時，一有機會上禮堂去參加表演或者領獎時，就算我地坐唔近個舞台，都可以影到小小豬係台上面嘅樣。(好明顯.....大肥豬真係一名廿四孝Daddy啦)....嘩.....咁咪即係有排先用得。
不過，大肥豬都建議，如果我地再去沙灘時，都可以帶埋去，等我可以係岸邊影佢地在水中央個開心樣。哈哈哈...咁重又大部，所以要帶去沙灘，都真係要諗諗先呀！
BTW....我想大肥買部可換鏡頭嘅機仔俾我先囉，等我可以依家開始用嘛!!(唉...發吓夢啦!)
