6 JUNE 2012(WED)
由小小豬坐緊學行車嘅時候，每當佢聽到婆婆係廚房啄豬肉嘅聲音，就會即刻行去廚房門口，企定定咁陪住小豬媽(緊係啦..小小豬知道啲豬肉係啄嚟煲粥俾佢嘛)。
到佢大個多個仔識得自己選擇玩乜玩具時，佢就會間唔中拎佢套廚房玩具，拎住把刀，又拎住塊板，有時又會拎埋塊玩具肉，模範小豬媽啄肉。
今日依個攪笑嘅小小豬又有新攪作，據小豬媽轉述，小小豬一聽到小豬媽開始啄肉嘅聲，先走入廚房望一望，之後就即刻走去佢個小廚房拎整工具，又拎埋張櫈，急急腳咁行入廚房。小小豬係不甘於企係廚房門口，仲要企係小豬媽身旁，同佢一齊啄。
真係好攪笑，小豬媽用單手時佢又用單手，用雙手時又用雙手，真係學到十足十呀~
![]()
佢地仲邊啄邊傾計添~
![]()
![]()
![]()
全程陪坐小豬媽，睇吓小豬媽幾開心~
依個小小豬啲模仿能力真係超出我地所想，仲要識得拎埋張櫈添。我地都冇教過佢，真係估唔到佢可以好似好有連貫性咁做出嚟，某程度真係覺得佢好叻仔添。
不過亦都因為咁，我地係小小豬面前嘅言行都要加倍小心，唔好俾啲唔好習慣佢學到呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
