第三PART,原本係打算著青蛙親子裝,點知依個小小豬已經失控,要自己去玩,所以就靠攝影師捕捉佢嘅動態嚟影,所以只係影左一張三口子,所以都幾失望。雖然係咁,依個小小豬又真係做左好多古怪動作,真係笑C人啦~
到左最後一PART就著住小豬爸去旅行買俾小小豬嘅熊貓背心,著住真係好CUTE。不過就係因為已經到左最後,小小豬都攰,所以依一PART就唔係影左好多~
其實我開頭都真係對依一輯相冇期望,仲擔心就連COUPON包嘅20張都揀唔到。整體上我都真係好鐘意今次依輯相,比上次小小豬一歲時影嗰一次,真係靚啲同笑得開心啲呀!
不過,相信影完依輯之後,都可能要等小小豬再大啲先會再去影樓影,雖然影相又真係好好玩,不過影一次相都真係好攰,其次就係都要等我醫一醫吓個荷包先,要止一止血先得呀..哈哈!