1 FEBRUARY 2012(WED)
係初四時帶小小豬去SOGO FACE影嘅相，終於等到今日有得睇相，所以放工就約埋小豬媽同LULU妹一齊去揀相啦！
係未同大家分享我地當日嘅相之前，就先同大家分享依一條短片先，因為實在大愛，所以忍唔住要即刻同大家分享呀~
當日除左幫我地影相嘅攝影師之外，仲有一位哥哥幫我地拍攝DV。上次小小豬一年歲時去影都冇依樣嘢，不過因為早排有朋友仔去左影，所以都知道條片個價都唔平，係影完相當日都已經講左話唔買。
不過....當職員姐姐PLAY俾我地睇時，最後都忍唔到手。個MV真係剪接得好正，睇晒小小豬最可愛一面，加埋啲配樂，真係完全軟化咁，唔洗佢SELL，我地都已經話買啦！
其實隻DV碟除左依個MV之外，仲有一條20分鐘嘅當日拍攝情況，所以都真係點忍到手呀！
貴就貴左少少，不過我都覺得值得，好有紀念價值。睇嘅同時個腦海浮現唔同階段小小豬個樣，真係睇到都好感動.......容許我講一句：仔仔真係好可愛...我好愛你呀！
因為實在太攰，相片就等我明天先加埋啲BLOG LINK之後先同大家分享啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
