10 MARCH 2011 (THU)
唔經唔覺又過多一個月，小小豬又大一個月，已經係七個月人仔啦~
依個小小豬係唔扭計嘅時候真係越嚟越可愛，玩得開心時就會開心笑咪咪咁，依家仲識得嗲人，會係你抱住佢嘅時候，就會好情深咁伏係頸旁，有時會強吻你(即用佢利脷仔LAM你個嘴或者面仔)，真係冧C人呀！
不過亦都因為小小豬越來越大個仔，依家佢個扭計神功真係越嚟越叻，尤其係佢唔飲奶奶、眼訓或者唔合佢心水嘅時候，佢嘅扭計力量真係好驚人，真係好擔心佢大個會係一個曳曳嘅小朋友。
小豬媽話小朋友扭計係正常，可能小小豬準備出牙仔，所以個人就會忟憎。加上依家先開始慢慢懂性，有好多嘢都係未識亦唔會明白，所以好多事係唔識表達，唯有扭計同喊，等我地大人留意。
小豬媽話教小朋友係唔好心急，要慢慢教同做個好榜樣，小小豬一定係個乖乖仔嚟呀！
為左小小豬做一個好乖乖，我一定收起我嘅脾氣(盡量啦..哈哈)加多啲耐性，慢慢教好佢，等佢成為一個人見人愛嘅好孩子。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
