今晚返奶奶屋企食飯，見時間尚早.....咁當然又去行吓街，睇吓嘢咁啦！
係其中一間鋪頭仔見到有件冷衫仔都OK靚，都唔太貴，又好有聖誕FEEL，諗緊15/16買唔買好。不過因為當時鋪頭實在太多人，所以冇買到。
點知....係同一層嘅其他鋪頭(基本上可以話係轉個彎就到)，入面都有得買依件衫仔，仲要係百分百一樣，依間鋪頭竟然買二百幾蚊，仲要SELL我時話件衫係日本貨，已經做左特價添。我聽到佢咁講，當然即刻就走人。
人就係咁衰，當知道有一間平成幾陪嘅時候，就係即刻好想買。所以我就走番去第一間鋪頭買件衫，成交價都只係九十蚊，真係平成幾倍呀~
嘩！真係勁誇張，真係覺得依間實在太唔老實。將間鋪頭裝飾的好少少，擺啲日本雜誌係度，就可以買貴幾倍，啲人真係識做生意啦！我都唔會再行入依間SHOP呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
