因為小豬爸突然嘅安排，所以今日個節目真係好豐富，仲好好玩呀~~
首先就係陪小豬爸佢地去車公廟拜神，其實我地年年都必定去拜車公，開頭都係年初三去，不過真係太多人啦...近依幾年我地都改左係新年內嘅其中一日去，所以就揀左今日啦！
今日真係唔多人，唔洗迫...真係幾好，唔洗咁煙嘛呀！我同大肥豬拜完車公之後都有求籤，哈哈~~我嗰支係上簽，大肥豬嗰支就係中簽，我地兩個都唔錯呀！不過小豬爸就仲好，連續兩年都係求左一號籤。今年我地個個都一定好好運啦！
去完車公廟，就去左雲泉仙觀。因為上次小豬媽睇中左一本畫冊冇買到，所以今次就陪佢去買啦！
行左一陣，見時間仲早，小豬媽就話去上次個士多啤梨場睇吓啦！
一去到就見到有好多又大又紅嘅士多啤梨，所以我地就忍唔住又去摘啦！
真係可以話瘋狂咁摘，係好短時間內，我已經摘左一大籃啦！粒粒真係好大....真係忍唔到手唔摘佢呀！依一籃就係我親手摘呀！
我已經係算最斯文啦，小肥媽摘左兩大籃呀！
依一籃就係我嘅戰利品，真係好正...好甜呀！
不過相信我地唔會再去依個士多啤梨場，因為我地感覺同上次個老細唔同左，今次依位老細好似唔係咁好相語。雖然摘嘅過程係好開心，不過個老細俾我地個感覺係NO GOOD，所以下次都係去另一個場玩呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
