每年嘅元宵節都一定會同未來奶奶食飯，因為今日係佢生日！
我地一行都有15人出左街食飯，基本上依餐飯都好開心.....我未來奶奶仲講左大肥豬好多細細個嘅野我知，都好開心呀！
點解會好激氣.....當然唔係嗰餐晚餐啦~~
頭先食完飯之後，我搭車走，返到屋企附近，路過OK便利店，咪入去買少少野食.....
都買左廿幾蚊野嫁，但衰在我剛剛係提款機攞錢，所以銀包得一張$500。
我去到收銀處，已立即同嗰位小姐講：唔好意思呀，我得$500。
點知....佢收到張$500之後，左捽...右捽，又前照....後照，又俾隔離個STAFF睇，仲細細聲講“得唔得呀”，終於都睇左成幾分鐘先找錢俾我。
嘩~~乜事呀!!!!好似當我個張係假銀紙，當左我係賊呀....有問題又唔出聲，如果你唔收依張銀紙，我可以改用八達通呀！
真係覺得好似俾人歧視，真係唔知佢係D乜服務態度。
便利店週圍都有啦，我下次都唔會再入依間野呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
