認真，野人差唔多夠2歲0個時
我係有諗過帶佢地睇言語治療師
雖然好多人都話男仔學講野係比較慢......
但係......野人當時個CASE，特別係哥哥，係發到個音，但係就懶得講
佢所有野都只會用一個單音表達，即係例如 :
婆婆 ----> 婆
APPLE -----> PO
BANANA -----> NA
唔該 -----> 該
細佬就好D，都會有D詞語，但就唔太多...........
所以當時我係諗住，如果佢地夠2歲都仲係咁，就去睇言語治療師喇~~~~~
點知奇妙0既事情就0係呢個時間發生
佢地一過左2歲，突然好似開左竅咁，係咁講野!!!!!!!
其他媽媽同D育兒書真係講得好0岩
小朋友0係成長過程中，會不斷俾驚喜父母~~~~~~~~
識講多左野之後，就識埋"講數"喇
通常訓覺前，就會出現 :
1) 睇一陣"巴斯光年"
2) 玩一陣車車
近期口頭禪，係"好多" + "呢個....0個個"
好多水、好多波波、好多魚魚、好多車車(2個或以上已經係好多......)
唔睇呢個，睇嗰個
唔坐呢度，坐嗰度
唔玩呢個車車，玩嗰個車車
仲有近排，我幫佢地改咗個組合名，就係"九唔"同"搭八"喇
故名思義，佢地實在太九唔搭八喇.........
我：而家行去買雪糕
九哥or八弟：我唔搭地鐵
我：都冇人講過搭地鐵
食McD中.....
我：好唔好食???
九哥：生飛滋，唔食藥
我：無啦啦食咩藥呀?!!!!!!!!!
我0係房行出黎準備返工
我：早晨
九哥：媽咪唔食飯!
我：晨早流流食咩飯.....
九哥：媽咪唔返工!
小虎爸揸車喺樓下接我地
八弟：唔搭爸爸車，搭巴士
我：呢度邊搵到架巴士你搭呀?!!!!!!
架車去到迴旋處
八弟：唔搭爸爸車，落車
我：而家喺迴旋處，點落車?!
八弟：搭爸爸車
我：而家咪搭緊爸爸車囉!!!!!!!
雖然日日答佢地答到口水都乾埋
但係我都寧願佢地多野講，好過冇野講:P
============================================
感謝 3BMaMa 提供以上資料
3BMaMa的網誌: http://www.bbbmama.blogspot.hk/
============================================
