雖然小時養過狗, 却總是怕, 怕佢咬; 怕佢的味; 更怕別離時的痛. 因小時家人養了多年的唐狗 Lucky, 由於過埠搬家, 沒能同行, 留下. 別時哭斷腸. 印象深刻.
無可奈何, 今次到訪人家, Cookie (Cairn Terrier)剛好寄住. 怕狗的我, 只好暫處同一屋簷下.
怕佢的味, 又怕佢污穢. 其實都明白, 佢都想干淨, 但受制於人, 你唔同佢洗, 佢仲辛苦.
Cookie 好熱情, 不是看門狗. 只可作寵物.
識你一陣, 就搖頭擺尾, 跟著你行, 十分親近. 又或坐你跟前, 又或同你排排坐. 大大的眼睛, 定定地熱切望住你, 一派想你掃吓佢的模樣. 你掃佢個背, 佢就仰起頭, 十分享受.
屋裡人各有各忙, 日間少在家. 可憐的狗狗, 一見人回家, 忙不迗搖頭擺尾, 十分興奮. 若不是有籬笆隔開佢只在飯廳, 佢一定興奮到撲上人身.
同佢相處耐左, 很喜歡它. 十分的純良友善. 無奈我有些潔癖 (摸完佢要洗手因有油'立立'的感覺). 見佢好多時搖頭擺尾, 仰頭看你, 知佢想人錫, 同人玩, 有時都摸摸佢. 只要叫佢 sit , 佢就乖巧地立即坐下仰頭看著你.
最怕係佢為食唔聽話. 我們開飯, 佢就緊張異常, 跟拿著餸出出入入嘅人行出行入, 不為意可能俾佢絆倒. 最敝係佢在人煮飯時站甚至坐在腳邊, 好怕熱野傷倒佢.
最煩是食飯時如果佢乖乖坐在腳邊都無得分享食物嘅話, 就不客氣站起以兩腳爬在枱邊; 你椅邊; 甚至你大脾. 俾佢氣壞. (但佢又唔吼自己的狗糧. 除非真是太肚餓, 而又不是我們吃東西時.) 唯有找些食物引佢出花園, 然後關上門, 方可食得安樂.
同 Cookie 的相處點滴, 隨著我回家, 佢又回家而告一段落. 上次見佢時只是一隻收養不久的小狗. 精力旺盛, 整日打轉跑不停. 一別六七年, 算是老了, 沒跑得太勁, 都也精力十足.
由怕狗, 轉變至分別有點依依, 就是人與狗都的一份情.
![]()
|
|
你食野, 佢坐在你面前看著你, 能不給它點吃?
|
![]()
|
|
靜靜的一個下午, 沒人理啋, 獨自外望花園
|
![]()
|
|
曬太陽, 睡懶覺, 十分的會享受,兼打'鼻寒', 哈哈
|
![]()
|
|
無聊
|
![]()
|
|
放逐花園, 沒得入屋, 隔玻璃門而徘徊, 有點可憐模樣
|
![]()
|
|
籬笆外是Cookie常駐處, 不論早晨或有人回家, 都是迎人之處
|
============================================
感謝 R Kwong 提供以上資料
R Kwong的網誌: http://rubyviewhk.blogspot.hk/
============================================
