24 MARCH 2015(THU)
一年一度花展又嚟啦，上兩年我都有帶小小豬入嚟行一轉(真係一轉，因為往年我都係係星期日中午嚟，又多人又熱，行一轉小小豬都頂唔順啦)。
不過今年就唔同，我帶左小小豬返學之後就嚟花展，我今次仲帶左兩個女嚟陪我，哈哈哈...咪就係我嘅DOLLCENA - D女呀~
其實除左小小豬之外，我都仲有28個囡囡，咪就係我嗰一套DOLLCENA啦！我之前都成日帶佢地周圍去影相，同囡囡影可以話係我未做KINSEYMAMA之前興趣之一。如果大家有興趣睇下我帶D女去過邊，可以睇下我之前嘅網址呀(按此重溫)。
不過由有左小小豬至今，大大話話都有五年多冇同D女玩啦，所以今日就突然其想，帶左其中兩個囡囡去花展影一轉！
哈哈哈...我自覺就影得都算靚靚，唔知大家覺得點呢，唔講咁多.....去靚相啦~
坦白講，都有一段長時間冇同D女影相，都有少少生疏，我隻手指位成日都入鏡，真係激C我，要再多啲練習先得呀！
