0

【勁歌市集】最有heart手作 @ Funmax週末嘉年華

大仁生活 於 2015-05-17 03:36:09 發表  |  累積瀏覽 815

分類:其他 ;地區:觀塘

攻略日期:2015-05-16

今日我又去觀塘駱駝漆大廈, 不過今次不是過去「IN過759的樂駝柒」而是過對面第一期, 因為有Funmax週末嘉年華市集可以玩.



我之前沒上過7樓, 我估計這單位本來是酒吧之類的地方, 所以有酒保的吧枱, 又有飛鏢機玩.



現在還不停有Live Band表演, 氣氛很不錯, 但與近表演台的檔主閒聊則有少少難度, 因為音樂實在太大聲.



阿楠的環保手工檔正正就是最近音響的位置, 不過她的手作實在太正, 即時嘈吵我也要停步看看她的微縮手工. (細細隻Dumbo, 布甸狗得意到爆呀!!)



還在念大學的她, 以低廉價錢, 購入別人店舖用剩的皮革, 毛冷, 布絮等, 偱環再做小飾物, 阿楠:「如果佢哋揼咗啲絮頭絮尾太浪費麻」(不過如果我係老闆, 橫掂都係揼, 免費畀人啦!!)



阿楠:「我啲嘢全部唔會大過A5, 就係因為絮頭絮尾唔會有大Size畀到我哋嘅原故囉!!」(細細件反而仲靚, 仲吸引)



本身愛儲鞋的阿楠, 3年前第一件及最愛的一件微縮手工就是黃色的小鞋, 「E對係照住我對鞋縮細嚟做㗎...」(女人真係鍾意買鞋的動物)



鞋仔, 公仔匙扣阿楠表示, 一日只可以造到約4個, 而由毛冷及布絮製成的「拇指姑娘」則一日可幾造到約8個.



近期阿楠繼續向難度挑戰, 用線勾出只有如一粒米大細的毛公仔...(嘩!不得了, 細到我用力一吹, 都可幾吹走的熊啤啤, 點勾到出嚟㗎??)



https://www.facebook.com/Daydreamshop88


學了4年印度手繪的Harry, 因為覺得將圖案畫了上身, 感覺似帶了新手飾, 或穿了新裝一樣興奮, 所以愈畫愈喜愛. 「畫到人好靚, 最滿足!! 如果客人讚, 就仲開心添啦」 



繪畫完成後, 約一小時, 乾了後抺走面層的Henna, 圖案可以保留約7天, (我唔洗手, 係米會襟啲?)  Harry話:「唔會, 佢會隨新陳代謝, 死皮脫落就甩, 就算你唔沖涼, 圖案都會甩嘅」



Harry:「我鍾意Henna又靚, 又比到我自由, 因為我最憎做死一樣嘢」早前完成2年悉尼Working Holiday的Harry, 享受到極不願意回港...不過他很快又會回澳洲.



Harry:「印度手繪都有分季節, 冬天生意只係夏天一半, 因為冬天啲人著太多衫, 遮住晒米少咗人嚟畫, 所幾我等香港夏天完咗, 年底再去澳洲, 因為當地又係夏天麻」



Henna是一種植物, 啡色是最天然的一種顏色, Harry指, 市面有黑色, 紅色Henna, 但滲人其他物料, 他說:「你玩都係想靚一個星期啫,  唔天然就無謂搏啦, 如果滲入咗有害物質, 可能會影響到留疤痕喎...」(咁得人驚???)



https://www.facebook.com/Mrhenna


Vivienne的小朋友及妹妹也因為有濕疹, 所以激發她研究親自製作手工皂給她們日常使用. 



(我都想買畀囝囝用...),  Vivienne「酪梨乳木果皂最啱小朋友, 洗臉, 洗身都啱, 因為無味道, 無精油架, 我小朋友一出世就用佢」



原來男性客人多數會幫襯Vivienne買啤酒味洗髮皂, 因為用來洗完頭, 可幾不用護髮素也沒有問題. (懶仁恩物...我啱喎!) 



三年前開始轉為全職造皂的Vivienne攪笑說:「我睇心情嚟決定今日用邊一款皂, 皇牌生薑皂或者 啤酒皂用咗會開心啲㗎」(係真唔係呀?? 咁神奇??? 我都想一路洗頭一路笑喎...)


https://www.facebook.com/awitchhandmade


今天很高興, 重遇我的朋友Jeff, 年初「SUUUPER MARKET」與他的太太緣慳一面, 今次終於可以一口氣與「約會設計工作室」的兩位話事人聊天.



因為早前的星球列系大受歡迎, 所以今次再接再勵, 幾太空為主題, 煲呔上掛上飛船與太空人, 好靚!! 起碼不會單單一個煲呔的那麼死板.




非常愛貓的他們, 雖然新作並不是他們的皮皮與麼麼, 但我可能太愛有重量的東西, 所以我覺得這隻投降手的肥貓可愛到暈!!



https://www.facebook.com/novioshk


剛剛畢業於城市大學的Angel, 正在教朋友畫水彩第一步, 感受深淺色, 多水及小水的效果:「入門要了解水嘅份量, 同顔料嘅關係...(咁你朋友畫到幾多分??)...佢第一次畫好好喇...梗係100啦...不過滿分係200...哈哈哈」



由「not all who wander are lost」而構思出來的藍色太空鐘, 這是Angel最最最喜愛的畫作, 「人有時會迷失, 但你會一直尋覓你想要嘅嘢, 係米好有意景呢...」(係呀!!好似講緊我...迷失到爆E排)



原來每一幅畫原稿也是A3大小, 之後Angel便會去印成袋, 明信片, 印水紙等...早前幾畫水彩動物為主, 今年開始則幾畫意景為主.



(點解你創作咁有太空原素??) Angel:「因為我係一個星空迷, 我希望我可以好似一個太空導遊, 帶睇我畫嘅人去感受我嘅太空, 我嘅國度.」



課餘設計畫作大約一年, 下個月便正式投身社會的她, 好高興不用再只是當兼職, 預祝妳設計更多可以令迷失仁重回理想的畫作. 加油呀!!


https://www.facebook.com/SharkieGallery




PS: 嘉年華市集可幾用一元買冰飲...職員生蠔說:「Like 我哋ig就得...如果你想飲多罐, 取消咗再Like喎又得...」(你真係幾鬼老實喎...)





鐘意SeeWide的分享,給我們一個Like吧!
  • 攻略日期:2015-05-16
    攻略地點:觀塘
  • 攻略時間:1-3小時
    是次消費:N/A
0人比"掂"
  • 特搜總編E 於2015-05-18 12:14:43 留言
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
  • 舉報 回覆
  • No.2

最多能輸入300字

累積瀏覽 1050194

全部攻略 890

全部回應 2289