小編平常唔會好有心機日日用eye shadow，
通常都係放假呀，見男友呢d日子先會有心機化靚個眼妝
諗起當年grad din，乜都唔識既小編亂咁化，
化到個眼妝鬼五馬六，真係醜到唔敢睇返當年既自己….. (欲哭無淚)
既然大大話話都買過好多唔同款唔同種類既眼影
今日就黎個eye shadow大比拼啦﹗開始﹗
Maybelline Dare to Go Nude Eyeshadow Palette
呢款眼影性價比高
對於一個新手黎講，呢盒palette有哂日常用既大地色眼影
如果唔洗玩d特別眼妝既話，小編覺得呢盒都夠哂數
佢既唔好處就係淺色既眼影唔出色，要上幾層先build up到
不過深色果d就岩岩相反，極出色
呢個價錢(小編好似買左$139)其實算係咁，不過不失。
Make up Revolution Iconic3 eye shadow palette
點解會買呢盒眼影呢？
就係因為小編為人孤寒，想買Naked又唔捨得洗錢
所以果陣就買左revolution iconic系列玩下先，嘻嘻
佢價錢貴過Maybelline少少，但我個人更鍾意revolution
佢既抓粉力好強，而且d色好岩小編既膚色
(小編皮膚比較黃，所以岩一d比較warm既顏色)
Urban Decay Naked Eyeshadow Palette
好啦，小編承認自己係敗家既
買完revolution隔左一排，就忍唔到手買左urban decay既naked3
果陣小編既托朋友買完返香港比我
洗左大約500蚊港紙到啦
係一分錢一分貨既，
urban decay既eye shadow一向出名抓粉力好高，出色，易blend
不過以性價比黎講，小編個人就覺得revolution抵d喇
以上分享只屬個人感受，用後感及效果可因不同膚質或略有差異，而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
