香港機場個Emirates check-in counter 係terminal 2. 第一次去terminal 2, 給我既感覺係得個大. 連板前壽司都有. 但因搭夜機既關係, 都關咗門無機會食!!!
今次亦係第一次搭Emirates. 可惜HKG -> Dubai 係舊機, 我地坐位前面都有一舊嘢頂住半隻腳位 (估係影音系統). 身邊又坐咗位大隻既大陸同胞, 間中俾佢既睡姿搶咗d位. 坐得好迫, 比較辛苦. 我坐位既影音系統又壞咗. 想睇spiderman 3 都只可以睇畫面, 聽唔到聲. Emirates D 飛機餐唔差. 我選咗omelettes, H＋T 就選咗noodles.
零晨4:30扺達Dubai 機場, 第一次到呢度, Dubai係什麼國家, 什麼地方都唔知. 在飛機看地圖才知Dubai 位於中東國家UAE – United Arab Emirates, Akiko 坐既Qatar 經Doha 原來就在UAB旁．Dubai用的currency 係Dhs (Dirhams). 匯率大槪是1 Dhs 兌2.2 港幣。
無諗到Dubai機場在零晨時份燈光好強勁, 好似日光日白, 似商場多過似機場. 半夜轉機的班機同遊客都好多, 熱鬧情況與銅鑼灣不相伯仲. (只係好少中國遊客). 難怪UK buyers 宜家都要搭emirates經Dubai轉機.
我地轉機時間約5個鐘. 在Dubai 轉機多過4小時可在機場餐廳內免費食. . 由於遊客眾多, 要先登記, 在指定時間回來. 食物麻麻, 只係用來打發時間. Dubai機場亦有McDonald, 軟雪糕要2Dhs, 即俾香港貴１倍. Dubai商舖d職員都係講普通話既中國人, Wonder why they choose Dubai to work there??? 仲好多金舖. 難道Dubai都出好多金 見到Dubai咁多食物買, 才想起萬一希臘無手信買,可在回程Bangkok轉機時買食既嘢做手信.
飛行全程我地食完又食, 唔知點解好快又覺得餓, 可能無嘢好做, 又瞓得少. 新朋友Tiff 好厲害, 去到邊瞓到邊,真好
飛機係香港出發準時, 在Dubai卻delay 了1個鐘. 從上空看Dubai 果然係一個沙漠地帶.
更看見海上的帆船酒店.
附近仲有個棕櫚樹型的物體, 原來係填海造地. 但並不是填一大塊地, 係填咗個棕櫚樹型狀, 用來起豪宅!!! Dubai的建設真厲害!!! 唔知d海浪勁唔勁?
Dubai 一日遊完成, 可能唔駛特別來旅遊啦!
感謝小月提供以上資料
