開心的時光過得好快, 轉眼又來到旅程的最後一日啦! 當日正好係情人節, 可以在日本過節啦~~
![]( "(blushing)")
![]( "DSC_2667")
由於前一晚玩得太夜啦, 10點幾先返到酒店, 沖得涼黎要成12點訓...
結果, 最後一日大家都訓到差不多10點先起身, 再執得野黎, 順便check out埋啦~~~
![]( "DSC_2539")
雖然今次間酒店好方便亦都算舒適 (朋友話可以同時放低行李箱+BB車, 算大架啦~~)
但並冇我想像中要成日返酒店攤抖休息, 都係夜晚沖涼訓覺only, 所以唔會太唔捨得
反而依片日日都會經過的超旺經典旅遊照, 真係令人萬分懷念呀~~~~
![]( "(day dreaming)")
依D充滿特色的坑溝蓋, 亦令媽媽好唔捨得呀~~~~
(按: 雖然其實我地冇選擇去圖中的大阪城... 始終對古蹟興趣唔大呀!)
依個千日前的可愛貓貓圖樣, 又係超得人鍾意! 點解香港就冇依D迷人的細節位呢?
![]( "DSC_2313")
我地當晚搭的係夜晚10:10PM機, 仲有好多時間諗過帶Matthew去環球影城
不過最後覺得BB咁細冇野玩, 都係留返附近一帶輕鬆食食食食 (加埋都唔輕鬆) 算lu~~~
![]( "(laughing)")
![]( "DSC_2584")
早上11點, 去了仁道樂嘆蟹brunch, 當時店內空無一人, 只得我地非常疏乎!!
![]( "DSC_2544")
老公係蟹迷, 仁道樂的午市又唔貴, 點都要同佢完成心願~~~
![]( "DSC_2546")
Matthew仔有張特別座位, 起初媽媽覺得好正, 以為可以困住佢, 點知......
![]( "DSC_2545")
其實店方的服務真係好好, 提供哂成套的BB餐具, Matthew只係玩餐具都玩得好開心了~~~
佳節當前, 老公點了一杯梅酒黎嘆, 印象中好似係500幾¥, 大大杯都幾抵飲丫!
![]( "DSC_2555")
依度11:00AM-4:00PM的午市套餐有4款, 價位由¥2000-4000, 比起晚市平左4成, 不過份量唔算好多~~ 其中(1)同(2)比較似, (3)同(4)又比較似, 我地就點了(2)同(4)各一, 一齊分享!
兩款午餐都有凍蟹作為頭盤, 蟹肉勁鮮甜, 點上醋汁好好味~~~
![]( "(drooling)")
![]( "(drooling)")
![]( "DSC_2551")
老公的¥4000定食非常豐富, 包括有個蟹炊, 亦提早上檯, 慢慢將生米煮成熟飯~~
![]( "DSC_2553")
之後佢仲有蟹肉刺身, 好甜好嫩好美味呀!!
![]( "(drooling)")
不過我唔敢食多~~~
老公仲有一式兩份好精緻的小吃, 當中腐竹好嫩又甜, 媽媽同Matthew分享了大半, 為食豬勁like!
![]( "DSC_2559")
仲有依個係媽媽份¥2500定食的蟹肉絲燉蛋, 又係精緻靚到無朋友~~~
![]( "DSC_2558")
媽媽飲左上面的蟹絲湯後, 都筆了一半燉蛋俾Matthew... 佢真係好like食日本雞蛋架!
![]( "DSC_2560")
之後好多野都唔太o岩BB食, 好動豬亦開始突破防線了.......
後來, 仲打瀉了媽媽碗昆布湯 (冇影添), 搞到人地地方污糟邋遢哂!!
![]( "(I don't want to see)")
![]( "DSC_2561")
雖然Matthew咁百厭, 但D店員姐姐/姨姨仍然大讚佢好Kawaii, 仲送左架車仔俾佢!
![]( "DSC_2565")
有點無奈, 唯有加快進度啦!! 之後係媽媽份定食的芝士焗蟹肉千層~~
![]( "DSC_2562")
好香口, 不過都係淨食蟹肉鮮甜吸引好多~~~
![]( "DSC_2563")
之後媽媽有壽司, 將蟹肉部分起出, 其餘的壽司白飯 (連同紫菜) 可以分享俾Matthew啦!!
老公的蟹炊亦已ready, 可以開飯lu~~~
![]( "DSC_2573")
香噴噴!!
![]( "DSC_2569")
仲有少量飯焦, 煮得好靚呀!! 個飯可以淨食, 亦可以加湯變湯飯食~~~
![]( "DSC_2574")
仲有依D配菜, 雖然我地唔識欣賞~~~
![]( "DSC_2571")
去到尾聲, Matthew做乜又扭計呀??
![]( "DSC_2575")
原來佢見到有檸檬, 又想拎黎玩啦........
![]( "DSC_2576")
Matthew仔又食檸檬..........
![]( "(rolling on the floor)")
![]( "DSC_2583")
最後老公份餐仲有抹茶同雪糕, 抹茶係熱力加粉即開即搗的, 勁有風味!!
![]( "DSC_2578")
沖製好再倒進雪糕, 同時享受甘濃清幽又香甜軟滑的滋味... 正呀!!
![]( "(love struck)")
![]( "DSC_2582")
嘆完brunch, 我地決定在同區慢慢逛, 都係最後衝次買手信回港~~~
![]( "DSC_2587")
老公鍾意運動, 一齊去睇了依幢樓高10層的Spotaka, 可惜冇收獲~~
不過俾媽媽見到依對減脂肪波鞋, 係咪真係咁神奇呀??
繼續慢慢逛~~~
![]( "DSC_2590")
一間好funny的酒店外牆擺設~~~
![]( "DSC_2591")
前一晚由神戶返黎時, 發覺依間位於JR難波站下面的LIFE超市超好行, 再去掃貨先~~~
![]( "DSC_2592")
佢有架好正的Combi BB手推購物車, 勁好推又好坐, 依日有時間俾Matthew試坐先!
![]( "DSC_2593")
Matthew仔好開心呀!!!
![]( "DSC_2594")
BB手執大蘿蔔的情景真係好得意!!
![]( "(love struck)")
當然我地冇買到, 但就入了唔少零食、梅酒、清酒...
![]( "DSC_2597")
買完野, 我地原來架車都full哂, Matthew又可以出黎放狗了~~~~
![]( "DSC_2598")
反正, 我地跟住都係行地下街, 好安全一定冇車的~~~
![]( "DSC_2599")
食蟹雖然好味, 不過實在唔係太飽呀 (可能又share左部分食物俾Matthew啦~~)
所以2點左右, 受到依間的鰻魚display吸引, 我地決定開動食第2餐lunch了!
![]( "DSC_2601")
![]( "DSC_2600")
估唔到地下街都有咁精緻舒服的小店, 真係超鍾意o係日本食野囉~~~
![]( "DSC_2610")
點了一份定食, 有肥美鰻魚飯, 又有彈牙爽口的喬麥凍麵, 兩者都好有水準喎!
![]( "DSC_2607")
依份鰻魚定食, 比起
DAY 3梅田太丸樓上的U-don Daining定食, 好味太多了!!!
![]( "(drooling)")
![]( "(drooling)")
![]( "DSC_2609")
繼續行, 依條地下街橫誇JR難波、地/近鐵難波, 以及日本橋站, 好長好多野睇架~~~
![]( "DSC_2614")
老公好鍾意的牌子, 差少少又買多件衫啦!!!
![]( "DSC_2613")
一邊行, 一邊忍唔住將早前超市買的士多啤梨洗出黎食~~~ 太好味太幸福了!!
我地由JR難波站入, 就於日本橋站出, 見近近地又去逛多次黑門市場~~~
![]( "DSC_2616")
因為
DAY 2去的時間較早, 部分店仲未開, 今次睇的野仲多左!! 依D係有膽影、無膽試的雞泡魚~~
![]( "DSC_2619")
有即蒸海鮮食, 老公決定試下廣島蠔~~~
¥300有兩隻, 都幾抵食喎~~~
![]( "DSC_2624")
我終於忍唔住喇, 去了買Haagen Dazs~~~~
![]( "DSC_2617")
日本真係多好多特別口味, 我揀了紫薯味, 另外仲有香港冇的Crepe Glace~~
![]( "DSC_2618")
雖然, 我覺得Crepe Glace (¥294) 麻麻地, 唔夠雪糕杯 / crispy sandwich吸引
紫薯味的雪糕就真係好正, 好香好濃甜美滿分!! 鍾意食紫薯必試~~~
![]( "(thumbs up)")
![]( "DSC_2625")
老公好愛日本的拉麵, 決定最後一日要勁掃喎! 可惜依間目標下午休息了~~~
![]( "DSC_2626")
都未餓, 反正兜到附近, 去下高島屋博物館睇下啦~~~
![]( "DSC_2627")
我地依個為食family, 都係出返去繼續食野啦!!
![]( "(laughing)")
唔知why突然有攤上海新天地, 完全唔match~~
![]( "DSC_2638")
咦, 皇天不負有心人, 俾老公搵到一間睇落頗有風味, 又泊到BB車的拉麵店!
![]( "DSC_2639")
Matthew仔訓了, 就俾佢停o係膠墊外面, 我地食野lu~~~
![]( "(tongue)")
![]( "DSC_2641")
點了最簡單的豚湯拉麵 (¥700), 好快有得食~~~
![]( "DSC_2644")
用的係幼身拉麵, 個人鍾意食粗少少有口感的, 不過個湯同個叉燒真係好正呀!
![]( "(drooling)")
![]( "DSC_2645")
繼續行, 其實今日有間特別target要去完成呢~~~
![]( "DSC_2646")
半路見到依間相合餅, 出售熱辣辣燒餅, 正, 即來一件~~~
![]( "DSC_2648")
隨便手指指點的一款茶餅 (¥125), 味道Ichiban!!
![]( "(thumbs up)")
![]( "DSC_2649")
Matthew仔又爭食埋一份... 都話佢好識食架啦~~~
![]( "(laughing)")
![]( "DSC_2651")
好味o既話, 點解Matthew食到皺哂眉?? 因為個餅其實好煙韌, 唔易咬/吞架!
![]( "DSC_2652")
一係大家睇下片, 就知個餅係咩質感架啦.... 其實真係幾好味的~~~~
已經好接近另一個目標啦, 好開心~~~
![]( "(big grin)")
![]( "DSC_2655")
依間法善寺唔係我地的目標, 雖然佢真係幾靚, 而且我地的目標同佢都有D關係~~
![]( "DSC_2658")
老公依張影得特別有feel呀~~~
![]( "DSC_16391")
轉個圈先~~~
![]( "DSC_2659")
其實我地係想黎法善寺旁邊依間夫婦善哉食甜品呀~~~
![]( "(love struck)")
![]( "DSC_2674")
小店格局好清雅, 而且比預期中少人, 我地黎時只有另一檯客, 依張係佢地走埋後影的
![]( "DSC_2672")
先來兩杯好清幽的靚茶~~~
其實依度只得一款甜品出售, 就係一式兩碗的善哉紅豆湯啦!
原來, 善哉分為2碗, 意味著夫婦就是一對的意思, 2碗都是同樣的內容~~~
![]( "(blushing)")
後來又附有鹽味昆布, 做為換口味的, 吃完善哉後再用, 而茶則是最後飲的, 好貼心!
![]( "DSC_2667")
雖然講味道遠不及之前京都的甜品, 但情人節吃到咁有意思的出品, 好sweet囉~~
最後仲買了紀念品帶走!
不過忘記同老公在店內來張合照.. 反而爸爸幫媽媽同小情人拍了照留念!
![]( "DSC_1647")
繼續逛, 已經差不多返到去我地住的附近啦~~~
Matthew仔主動要去合照的, 佢真係好可愛好好玩!!!
![]( "(love struck)")
![]( "DSC_2677")
仲有!!!
![]( "(rolling on the floor)")
![]( "DSC_2678")
表情仲好豐富添, 笑C媽媽啦~~~~
![]( "(rolling on the floor)")
![]( "DSC_2679")
乜都搞一餐的好動寶寶!!!
![]( "DSC_2680")
真係好懷念既熱鬧又旺場, 兼好多野睇的道頓堀呀!!!
![]( "DSC_1692")
唔知幾時俾爸爸偷影的~~ 不過講真, 帶Matthew去旅行, 唔係咁樣偷影幾張, 都冇乜自己相呀!
平日依間小丸子好多人排隊, 是晚竟然唔駛排, 咁我又黎試下先~~~
![]( "DSC_2681")
價錢都係¥360六粒, 幾好味, 我鍾意佢多過
DAY 1個間呀!!
![]( "(thumbs up)")
![]( "DSC_2684")
老公仍然想食拉麵, 樓下依間金龍係人氣極旺的, 就成為佢的選擇
![]( "DSC_2685")
店內只售2款拉麵, 都係豚肉拉麵, 一款係正常版 (¥600), 另一款係多豚肉版 (¥900)
以為專注就係美啦, 結果......
![]( "DSC_2686")
點了正常版, 成品係咁的... 睇樣都覺得好頹~~ 食落, 無乜豬骨湯兼勁大陣胡椒味...
真係比香港的味千拉麵更加無誠意呀!!!
![]( "(thumbs down)")
![]( "DSC_2690")
差不多七點, 返酒店拎行李, 都係時間搭鐵路去機場了~~~
![]( "DSC_2691")
沿路見到一隻流浪貓, 好鍾意小動物的Matthew又「貓貓貓貓」的叫個不停啦!!
後來仲搞到位流浪貓主人先生醒左, 出黎探頭睇下發生咩事添....
![]( "(tongue)")
未得, Matthew仔未食晚餐喎... 快快手在吉野家搞掂先~~~
![]( "DSC_2700")
本來想encore Kid's menu牛肉飯, 不過媽媽自己心思思想咖哩...
就同Matthew分享了依份咖哩半熟玉子飯~~ Matthew爆like半熟玉子撈飯丫!!
![]( "DSC_2697")
雖然暫時俾拉麵打殘, 爸爸都唔放過最後的機會, 去隔離舖買了盒壽司去機場嘆!
![]( "DSC_2702")
不過聽講依盒¥780的外賣, 質素只係一般咋~~~
![]( "DSC_2704")
我地大概8:25PM抵達機場, check in時發現行李由24KG升到36KG!! 超哂重要拆箱出黎pack...
處理麻煩野的同時, 空姐們就紛紛同Kawaii的Matthew仔玩, 仲連職員證都俾佢玩!
![]( "(winking)")
![]( "DSC_2705")
其實帶住BB幾好丫, 媽媽支樽裝水因此可以過安檢 (其實我留黎自己飲的~~)
而且關西機場真係好好, 有個免費的KIX Kid's Room, Matthew仔發達啦!!
![]( "DSC_2707")
![]( "DSC_2713")
真係要讚日本比起香港baby-friendly一百萬倍, 大家睇下個KIX Kid's Room的餵奶房幾正!!
唔止一間, 而係2間, 仲有BB床添呀!!
![]( "DSC_2709")
換片位都好一流, 每朝8:00AM - 夜晚8:00PM仲有免費的pampers / merry's紙尿片 / 褲仔可以提供, 有無再週到D呀?!
![]( "DSC_2710")
Matthew仔當然又係玩到不亦樂乎啦~~~
![]( "DSC_2711")
爸媽輪流睇佢, 同時上機前去梳洗+刷埋牙先...
去廁所時又好慨嘆, 有成半的女廁都有BB seat位, 點解人地的廁所會咁正??
![]( "DSC_2715")
衰豬玩到唔願走架啦, 不過我地夠鐘要登機, 非走不可喎.......
玩得太high關係, 好動豬上機初時都唔願訓, 去到11點幾先訓著, 我地先有得抖下~~~
![]( "DSC_2716")
就係咁, 一連5日超盡興的新春關西之旅結束了~~ 有人話BB咁細都唔記得, 帶佢去旅行好嘥, 但去到依家媽媽每講起「我地去旅行!!」, Matthew仔其實都會開心kaka笑, 可見佢未必唔記得詳細片段, 但已留下一個美好開心印象, 對媽媽而言都覺得值了~~
筆時我地已經plan緊復活節墾丁+高雄之旅, 隔幾個月Matthew仔又可以再high多次lu!
![]( "(day dreaming)")
============================================
感謝 甜魔媽媽 提供以上資料
甜魔媽媽的網誌: http://gourmetyan.blogspot.hk/
============================================
Yan 遊記 - 中國
