以前唱k好多時都會選擇k lunch ,
因為貪佢夠平，以一餐飯嘅價錢唔止有得食，又有得玩

當岩岩開始有k buffet時都有貪新鮮去試下，
當然對個buffet唔會有太大期望～叫做有得任食～拎下小食咬下都好～
但衣加每次去親都總帶比我驚喜～
食物款式不斷增加，質素亦提升了不少，
上次去較令我驚喜嘅食品係即開生蠔，片皮鴨，
而今次竟然有鮑魚扣鴨掌同生蝦刺生. . .
先別論質素，但一d普通酒店嘅自助餐未必有嘅野，
喺依到竟然有得食 而且價錢只係$230左右，重可以唱通頂！
天喔！真係超級抵玩！

睇下個buffet有咩食先～

我最愛嘅刺身～
都有好幾款選擇
(三文魚，魷魚，甜蝦，甜蛋等. .
比較特別既有白玉豚，入口嫩滑而且好香）

另外，係刺身吧旁，有個魚缸，入面有好多生蝦. . 
當你叫生蝦刺生時，師傅會即拎一隻上黎，即整. . 
雖然有點恐怖，因為個頭重郁緊. . 但肉質真係非常爽口彈牙！

到於熟食方面，款式唔算太多，比較似平時食飯嘅餸菜





蟶子有少少沙，但炒得都算惹味

樣樣拎咗少少試～味道可以接受～
炸物亦都保持到脆身

依到有得拎片皮鴨，班戟同鮑魚鴨掌
提供嘅數量都足，但等得比較耐

鮑魚同鴨掌預先炆好，味道較淡，但炆得好腍～鮑魚唔會好韌～

班戟分咸甜兩款
咸嘅可以選擇呑拿魚，芝士，火腿等. . 
甜嘅可以選香蕉，桃，波羅等. . .
可惜班戟塊皮太大，比嘅生果餡太少. . . 

重有即燒串燒，不過成日都未燒好

重可以打邊爐～
都算多野揀，但沙嗲湯底過咸

甜品方面





有幾款蛋糕，啫喱，木糠布甸，意大利芝士餅，雪糕，曲奇等. . .
不過雪糕櫃可能長期開住，所以變得好稀. . .見到已經唔想食. . .

不過當日由於係星期日，第2日要返工所以唱到11點令就走～
不過都已經由6點唱到11點～玩咗4小時再食到飽飽～$230真係抵玩

============================================

感謝 Stellashea 提供以上資料

Stellashea的網誌: http://www.openrice.com/zh/gourmet/reviews.htm?userid=30477712&city=hongkong

============================================