24 JULY 2015(FRI)
其實好早我地就發覺小小豬對數學都好敏感，早係K1初其就已經識得順數及逆數1至50。到左依家我地都冇乜點教佢，佢都已經識計加減數，某程度上真係令我有啲驚訝！
見小小豬數學感唔錯，所以我都好想帶佢去啲數學班，可以加強訓練小小豬依方面嘅優點。但老公又擔心去上啲操作式嘅數學班只係得個計字，只係學啲機械式計算，所以我地一直都係仍有考慮中。
當公關姐姐問我地有冇興趣去學數學時，我地兩個都考慮左好耐，亦都詳細了解有關資料，最後都係決定俾小小豬試下啦~
我成日都以為數學只係加減乘除依四方面，只係得計數...計數...再計數。但原來MathConcept所教嘅係以數學理念為主，誘導小朋友理解及掌握概念和計算技巧，從而培養對事物觀察、分析、理解及作判斷方面的能力~
係未正式上數學班之前，所有小朋友係需要去進行評估，導師就可以因應小朋友嘅程度，咁就可以知道應該由邊度開始。只係短短個半鐘嘅評估入面，雖然我冇得睇住小小豬，都唔知佢做成點，不過事後導師同我傾返小小豬嘅課程安掛時，估唔到佢就已經睇得到小小豬嘅強弱項，都俾左我好大信心，會幾放心小小豬嚟依度學數學。
當然，我地決定俾小小豬去上數學班另一個原因，就係導師係會以英語教授，基本上由一入課室開始，小朋友同老師都係會以英語溝通，真係一個一舉兩得嘅學習呀！
上課係以小組形式授課，問過導師最多只會係六人一組，不過導師話會因應小朋友強弱項度身訂造個人學習計劃，所以唔會跟唔上呀~
每位小朋友都會有本手冊，導師會寫低當日小朋友嘅表現，等我地家長都知道小朋友上堂情況呀~
唔好以為上完堂就完成當日所教課堂，因為導師都會俾功課小朋友返屋企做，從而溫習學過嘅課題呀~
今次都係第一堂，暫時睇小小豬都不知幾鐘意上堂，落堂時仲問我幾時再上，仲好唔捨得離開個課室，仲一邊行同我講導師今日教左佢啲咩添。
緊係啦....數學型開正佢嘅至愛，當然係興奮。至於小小豬學習成效係點，我想真係要學多幾堂先可以睇得到，所以等過多一排我再同大家分享小小豬學習情況啦！
More Information :
