10月9日(星期日)~依日天氣好好..阿喂話想去野餐
不過要等我攪掂晒屋企野先~之後收拾好所需用品
就出發去街市買食材~買完就直接上"城門水塘"lu
上到去已經1點多..都好多人燒烤喎~我地先搵個靚位
之後開始準備我地既野餐樂~雖然我地唔係揹炭去燒烤
而係自備"迷你gas爐"~但都要去燒烤區先可以進行生火呢
(林區及郊區條例 -
任何人士在郊野公園或郊區非法生火或燃放孔明燈, 均屬違法
違反有關條例人士, 一經定罪,
可被判最高罰款$25,000及入獄一年)
~ ~ ~ ~ ~ ~ ~ ~ ~ ~ ~ ~ ~ ~ ~
~ ~ ~ ~ ~ ~ ~ ~
~
去野餐前..其實阿喂問過我好多次~拎個爐去野餐煮食
d人會唔會覺得我地好怪?
老實講..唔好話野餐咁少事
就算任何事..我從來唔會理人點睇囉~我係為自己而活
而唔係為人而活~人地要講咩控制唔到~加上要講你既人
只係無從另一角度睇件事~=好與唔好..都有野比人講架啦
最緊要自己活得開心+行事態度正確~一般是非可當等閒事
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
~
感恩..依日有個靚位留左比我地^^
阿喂話燒海鮮..所以買"蝦(半斤)"
"蜆(一斤半)"
(買完係街市極速洗埋先拎上去..哈哈)
"鮮牛肉"..陪阿喂去牛肉檔買~揀好叫佢切粒
(14粒已經$60..咩牛咁巴閉
@.@)
"雞翼(6隻)+豬扒(3塊)"
下次打算再野餐的話~都係自己醃去會好味好多
"露筍"
另外..自己帶定去既"牛油"
"青檸辣椒魚露汁"
"ABC醬油".."黑胡椒碎"
飲品有水,啤酒(6罐)
先燒海鮮類
d蝦好正..好有海水鹹鮮味
d蜆又係好正..即開殼即食得~好鮮甜無沙
中場休息一陣..第2輪煎雞翼+豬扒
雞翼都ok..豬扒唔掂~好大陣雪味+鞋口
露筍好爽脆嫩口..正
野餐完..差不多5點半~走果陣見有富豪雪糕車
所以一人整一杯..慢慢食住走lu^^
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================