記得今年7月書展~出版既個人食譜"蒸出新口味"
其實入面有個餃子~原意念..餃子形狀同蝦餃一樣
不過問過編輯小姐~佢話因為食譜要以簡易為主
如果要整摺皮蝦餃..會比較複雜~所以最終採用
最簡單既餃子對摺方法..迎合食譜既簡易主題
其實整完果次之後..包"澄麵"一直無再用過(待清倉中)
依日提起心肝..決定清少少份量~整左個"泡菜豬肉餃"
![]()
餡料有泡菜+豬梅頭片~將食材剪碎備用
![]()
餃子皮要碌得夠薄~包裹餡料後..可以蒸/灼食
但灼食既時間不用太耐..否則皮層好易破爛
=同一般雲吞/餃子既烹煮時間方法一樣呢
而我個人覺得完成後既餃子~蒸食口感會較彈性
而灼食既口感~因為吸入好多水份..就比較腍身^^
![]()
食譜 :1.澄麵(40g) 2.生粉(30g) 3.熱水(50g) 4.泡菜(40g) 5.豬梅頭片(2塊) 6.生抽(1茶匙)
1. 泡菜及豬肉片分別剪碎~加入生抽完全拌勻
2. 澄麵+生粉拌勻~撞入熱水..快手拌勻成麵粉糰
3. 搓長條狀分成10等份~手撲少許生粉..每粒碌成薄圓片
4. 放上適量餡料~對摺開口..將前半餃子皮逐少摺疊..再壓實封口
5. 重覆以上步驟至完成~碟掃少許油放上餃子~以大火隔水蒸5分鐘即成
P.S.
1. 撞入熱水時~緊記要好快手拌勻麵糰
2. 碌餃子皮以防黏底難起~除左撲粉外..可將麵糰放在焗爐紙上才碌(完全不黏底)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
