荃灣。美味烤魚

2月28日(星期六)~朝早唔想出去食野

反正屋企有唔少儲備~費事出一出街又無左幾個鐘

返一返屋企..夜晚又出去~所以依日好hea..係屋企勁舒服

下午問定老闆想食咩~原本我想食pizza~不過佢話想食烤魚

大年初三..家族團拜係"卧龍莊"食完~已經講左幾次話想食

年初七day off都叫我係屋企整~不過人日..佢又話唔想殺生

所以依日點都話要食囉~計計下..近年都試左唔少間烤魚店

單計荃灣區幾間都試過~見新開"美味烤魚"未喎..就去試下呢

* * * * * * * * * *

食店以黑白配襯為主..環境好光猛乾淨~先點啤酒($28 x4)


除左烤魚..仲有麻辣雞煲 & 串燒食物

烤魚有4款~"烤魽魚全條($228)/烤鯇魚全條($298)"

另可電話預訂"桂花魚/清斑(時價)~麻度&辣度(有大,中,小,BB選擇)

我地點個"烤魽魚(跟酸菜)"..中麻中辣~加個"白飯"($10)送烤魚



之前食既烤魚..通常只係略煎~但近幾次食過都經油炸

雖然味道會比較香口~但原本既魚鮮味..變左食唔到

我個人就比較鐘意略煎..可以食到新鮮魚鮮味

依間炸過..魚肉質素新鮮+有彈性..魽魚少骨好滑



配料及伴菜好有份量~酸菜炸過..但味道欠奉

伴菜好豐富(有蓮藕,蘿蔔,薯仔,茄子,大豆芽,豆卜,菇片,豬皮等)

加上大量芫茜,薑,蒜~中麻中辣..夠麻夠辣度~越滾越出辣





我地鐘意食又酸又麻又辣~因為酸度唔夠

所以另點一份"酸菜"($26)~味道唔酸屬偏鹹



老闆再點"安格斯牛粒串燒"($28)

燒得香口..肉質鬆軟帶羶香~佢話好味喎

整體烤魚味道OK..服務好有禮貌

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================