2月8日(星期六)~過年天氣超好又暖..今個星期又話急凍
原本諗好同老闆去食西餐~不過佢話凍..又話唔想食西餐
煩左我成半日..最終比佢揀囉~反正我好好好民主既(奸笑)
不過比佢揀..都要同時間競賽~通常我會好快UP兩個選擇
就即刻快數1,2,3..佢答遲左就我揀返(嘩哈哈)~依日老規矩!!
"一係西餐..一係去大煲皇食火鍋..1,2,3"~佢答得勁快"大煲皇"
咁是但啦..比得佢揀果d都係我想試既(嘩哈)~下次再食西餐呢^^
~ ~ ~ ~ ~ ~ ~ ~ ~ ~
依早終於等到酸辣米線開市~早幾日已經超勁想食
不過想食果間都仲未開~最終去左第2 like既米線店舖食囉
食完同老闆去電訊公司問轉plan詳情~因為用開果間就到期
加上無左無限..想考慮轉另一間"多機共享"~依家d競爭好大
純粹問下服務計劃..d sales見我地考慮~即刻再比更多jetso
仲勁急想我地即刻簽約~通常我地話"消化下先..轉頭返黎搵你"
點知有個幾衰..話再返黎比唔到個最優惠~依家即開即做到
真係好笑! 對我地用依套唔work架~咪話囉"唔緊要~我地都唔急"
問完去starbucks飲杯咖啡~再返屋企hea陣..夜d去食晚餐
~ ~ ~ ~ ~ ~ ~ ~ ~ ~
酒樓格局既大煲皇~空間感比較窄..檯凳之間距離超貼
但食物質素+服務都好唔錯~我地點個"醉雞藥膳鍋"
再點少少火鍋料..有"白鱔片"
![]()
鱔片超新鮮..肉質靚..有鱔味
![]()
"美國桶蠔"
![]()
蠔味鮮甜..口感爽身
![]()
火鍋湯底..跟上"醉雞"~我地點半隻..亦有全隻選擇
![]()
雞肉嫩滑..夠酒香
![]()
醉雞藥膳湯底~藥材味都好ok..唔會太過濃烈
![]()
最後..點個"唐萵"
![]()
茶芥醬料$12/位..前菜$12/碟
整理食物質素好好..男服務員比女既更有禮貌呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
