7月13日(星期六)~依日大家七點就瞓醒lu
原本阿喂話去飲茶~過左陣..又話想食拉麵
hea到差不多11點..見佢時打機又時追劇/戲(忙)
再問佢諗掂食咩未呢~佢又問返我想唔想出去
我又唔肚餓..其實唔出去都得~反正屋企有糧食
阿喂話..咁係屋企食野+hea到夜晚先去食飯喎
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
原本下午想去九龍灣行下+食飯
但阿喂聽日超早起身..要出去攪d野
話近近地食算喎~之後又話想食"片皮鴨"
又要近..又要食鴨(真係難服侍)~終於揀去"中國芳"
原來都係美心集團旗下既食店
餐牌既菜式..同"北京人家"差不多
片皮鴨..無半隻叫~我話不如點小菜
但阿喂話十級想食..唯有叫"(全隻)片皮鴨"呢
每人跟上一份甜醬..青瓜及大蔥
即落order即烤..需時45分鐘
烤得唔香唔夠脆~醃料欠惹味度又無麥芽糖香
肉質比較乾+無油鴨香味..整體唔太掂
食左半隻..阿喂話打包~叫我聽日將佢"起死回生"
星期日晚餐..終於用黎整左個"雪菜火鴨絲炒米粉"
薄餅皮夠薄又軟軟..味道ok
阿喂再欽點個"宋嫂魚羹"
一窩都有6小碗..份量唔少
羹料有"魚肉..蛋花..筍絲..冬菇絲"
濃稠度適中..唔會太漿糊感~味道好唔錯
整體食店環境幽雅~食物水準好壞參半
而服務就真係非常一般
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================