蘭苑饎館

10月8日(星期六)~依日約左阿喂爸媽食lunch

阿喂話順便送對波鞋比阿喂爸~因為前幾日拜山

阿喂爸同我講..話去買波鞋時~個服務員唔多理佢

今時今日咁既服務態度已經唔要得~仲咁對老人家添

所以依日打算食完飯之後..我地逐間陪佢慢慢揀

買完佢地就走先lu~我同阿喂繼續行陣商場..返一返屋企

之後再出太子既"蘭苑饎館"食晚飯呢




依間食店最吸引我既地方~除左食店係涼茶舖格局外

我最想就係試下..亂咁配搭個自選煲仔套餐(哈哈~好好玩)
不過最終事敗..因為服務員會建議最正路又好味既配搭(oh!!)


一人點一個套餐..送上例湯一碗~如果單點要$20/碗

"蕃茄薯仔魚湯"..果然好夠火喉~個湯好濃郁又香魚湯味



阿喂點個"仁稔子薑蒸鱔"



鱔魚肉質好靚~醬汁除左仁稔子薑..仲有麵豉

子薑仁稔唔會太酸太搶味~整體味道好平衡



"自選煲仔套餐"..可以揀1款主菜+2款配菜+1款汁料

"南乳豬軟骨煲"(原本想試柱侯醬~不過服務員話配南乳好味~當然我知配南乳係最正路囉)


豬軟骨炆得入味又夠腍身



配菜.."芋頭,蓮藕"~芋頭好粉口感~蓮藕好靚仲有拉絲

加上食店標榜無味精~整體小菜味道..好有住家餸feel



套餐仲有例菜..我地揀"生菜拼菜心"



套餐仲包括米粉,麵,河粉,飯..任添任食

生麵..好正好爽口彈牙~米粉..都好唔錯



當然唔少得~要試佢地既甜品.."玫瑰紅莓糕"
(原本仲叫左個"香滑芝麻糕"~不過凍既賣晒..新鮮出爐既未食得)


糕點煙韌彈牙~甜中帶微酸..有淡淡玫瑰味又唔會太甜



"蓮子杏仁茶"



蓮子有天然既甜味~入口夠粉軟

杏仁茶好香~南杏帶甜..北杏帶微苦

兩者份量調配得好平衡~微甘苦中有甜香味

整體食物好唔錯又抵食~服務員都好nice呢^^



晚餐總消費 : $179 (P.S.星期一只賣龜苓膏及糖水)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================