橙酒軟心朱古力- 製作圖解

１．隔熱水坐溶朱古力，利用水蒸氣的熱力熱溶朱古力，器皿不可直接坐入水面．避免朱古力過熱.

（器皿一定要抺乾淨，不能有水，更不可被水滴入朱古力）

溶朱古力過程，要不時攪拌，剷底．

２．降溫的動作要不停由下至上.至溫度下降,用口唇試只有微溫;快手塗入模內.

       （太熱塗入模，整出o黎d朱古力會唔靚，好似發霉．又難脫模！）

３．塗入溶朱古力後，要左右移動．左方未移平.看！右方的心形幾平滑！

放入雪柜雪２－３分鐘後取出.．

4.為免脫模困難,要重覆塗多一次己坐溶的朱古力漿,再雪２－３分鐘,取出加饀!塗的時候可以先高舉膠模在頭上檢查一吓．(看！右２的心形有個小孔，如沒有塗多一次朱古力漿．朱古力脫模後就會痘皮喇！又可能會流餡tim.)

５．加入朱古力餡８成滿後，再雪多2-3分鐘取出，用坐溶朱古力漿封底．（我鍾意用小匙（畢）坐溶朱古力封底．又快又靚．）

　　＜記得要左右移動膠模幾吓，至朱古力漿完全平滑完全封好個底．＞

6.    大約雪２０分鐘取出,小心脫模.(用手拍出來)

＠如果覺得塗朱古力模太煩．其實，可以將坐溶朱古力倒滿模內約３－５分鐘，再倒轉．讓多餘的朱古力流出去．　

　（記得下面放置一個大器皿，否則就攪到一地係．）等一會，再將模反回正常方向．面向上底向下，用抺刀抺乾淨模面．不過，這方法唔係隻隻品牌朱古力都得．要測試一吓！我嘗試過，好在係三五粒，d朱古力沒有倒流出來，反而好似岩洞的樣子好難睇！！！

啊！多麽迷人的朱古力，送禮自奉都一流！