精緻的法國菜@La Saison by Jacques Barnachon

15/08 好早之前在 openrice 發現了這間法國餐廳一直都好想試但好貴 ,

及後才知這餐廳是由米芝蓮星級法國廚師 Jacques Barnachon 開設的 ,

而且他在法國所開設的餐廳亦得到了 "二叉匙" 的評級 ,

終於在今年的其中一餐生日飯可得償所願真的很開心 ^^

原來有専 lift 可直達餐廳

落完 order 店員就會送上精緻的餐前小食

" 三文魚 "

櫻桃蘿蔔 + 忌廉三文魚 + 芝士曲奇

這個配搭整得有心思又好吃

" 芝士泡芙 "

芝士泡芙都好好味真的好想食多一個 ^^

" 青蘋果啫喱鴨肝多士 "

平時食鵝肝就食得多鴨肝都是第一次食 ,

雖然只是少少的一件但都食出鴨的香酥味好正呀 !

配搭埋青蘋果啫喱既特別又感覺無咁膩口 good taste ^^

上完小食就上麵包籃 - Baugette, Focaccia, Brioche &

Pain de campagne

麵包的名稱是朋友補給我的其實每一款包我都咁鐘意食 ,

這裡用的牛油應該是法國的 Bordier 有鹽同無鹽兩種 ,

之前都在 Sogo 亦買過來吃用來塗麵包真的十分之美味

" 藍芝士泡沫啫喱干邑蘋果啫喱 "

估唔到芝士打成泡沫再配搭果干同啫喱一齊食又是另一番風味

" '鳥巢' 温泉蛋配芹菜頭忌廉及魚子醬 "

在網上見到呢隻蛋時都已經諗一定要試 ,

幸好 Dinner Set 都有一隻咁就不用再另外 order 了 ^^

隻蛋放在一個細小的鳥巢上造型既可愛又精緻 ,

味道當然 ok 啦 !

" 藍龍蝦配綠茶啫喱及芫茜 "

這道菜亦做得很精緻美味 , 但芫茜我真係敬而遠之 ^^

" 蘑菇清湯配煙黑線鱈魚肉醬 "

在湯盅的蓋上擺放了煙黑線鱈魚肉醬 ,

待我哋影完相後店員便張熱湯倒入碗中 ,

然後再分成兩份給我們享用 ,

煙黑線鱈魚肉在旁還放了幾滴醬料 ,

個湯本身好清但亦會飲到濃濃的菇味 ,

加埋底層的碎蘑菇更有咬口 " 正 "

" 慢煮伊比利亞羊柳配夏季蔬菜 , 黃椒醬及羊肉汁 "

近期我比較愛慢煮的菜式加上羊又是我的另一最愛 ,

所以想也不想就揀了此道主菜 ,

腍滑的羊柳配埋個醬汁每一口都是享受真的十分之美味 ,

但也不要忘了伴碟的小蔬菜一樣精緻好吃

" 伊比利亞豬梅肉配焦糖洋蔥 , 蘑菇 , 香蒜蓉及豬肉汁 "

有了前者的羊柳這個伊比利亞豬梅肉就即時被比了下去 ,

雖然豬梅肉不及羊柳的腍滑感但其實都算 ok 嘅 !

餐後飲品我要了 espresso 真的好香濃

" 黑朱古力伽納徹配紅桑莓啫喱及芒果雪葩 "

整個甜品的配搭都整得美味可口 yummy ! yummy ! ^^

" 朱古力心太軟配甘草雪糕 "

這個甜品都整得好靚特別愛那瑰玫花的士多啤梨 ,

但心太軟就無咁流心所以有一點點失望

" Petits Fours " - 朱古力粒曲奇 , 杏仁朱古力 , 血橙朱古力 , 迷你蝴蝶酥

其實款款都好食尤其是那 " 迷你蝴蝶酥 " 真的好想問店員有沒有得售賣 ,

另外 " 血橙朱古力 " 都是第一次見所以緊係要揀來一試 ;

真的好多謝朋友給我品嚐了一餐咁精緻美味嘅法國菜 ,

這裡每一道菜式的擺設都是十分之精緻美觀 ,

而且配搭既特別又有心思這可能就是法國菜的精神吧 !