就黎母親節(關我鬼事?)　當然係帶呀媽去食餐好野啦。

星期六日又爆哂人，而且要去婆婆度慶祝。

所以今次帶左佢去砵蘭街既Armour corner 食個好似2人好sweet的set～

決定係openrice寫文唔多唔少想推翻d負皮

(真或是做假?)　不得而知。所以想用口語寫文今次～　

地方似cafe 格局，又幾好睇。

4人餐夠豐富，只係$498加一。

唔好意思，我地2個人，2人當然食2人餐啦！

SET DINNER FOR TWO　盛惠$268+10%

這類西餐廳，唔過300真偷笑啦～

唔好以為小食得D廢野，

前菜竟然有青蘋果鵝肝多士(正到痴左線)

仲有我都幾愛既巴馬火腿哈蜜瓜，哈哈哈！

廢話少講，馬上去圖：

青蘋果鵝肝多士原來真係夾住青蘋果係中間，

多士夠香脆，鵝肝又肥厚又大件，成塊多士咁闊。

青蘋果好特別，夾起黎會減少鵝肝既肥油度，好似減少埋壞膽固醇。

巴馬火腿哈蜜瓜係巴馬火腿包哈蜜瓜，

咸咸既巴馬火腿加上甜甜哈蜜瓜，又一滋味減咸食法，大愛！

傻啦，唔好以為主菜以得咁少野食，

仲有是日餐湯及沙津，可以2份餐湯/2份沙津。

大家咁親當然一齊分享啦！一樣叫一個。

是日餐湯=黑松露忌野菌忌廉湯，好香呀！

聞到都香到傻，仲好濃味添，而又唔太咸，一人一半都好開心。

不過可以再熱少少，我會再開心D。

沙津大大碟，乜菜都有，粟米蕃茄及大路野都有齊，

加上黑醋，少少苦但我覺得OK！

酸酸甜甜好開胃，等主菜既來臨啦！

媽媽愛吃羊，主菜一揀左紐西蘭香草燒羊架，

唔鍾意食太熟，所以揀左5,6成熟。

上台時大大件好豐富，而且醬汁好多，吊起羊架味！

味道少少SO，更多既係鮮香JUICY仲有少少紅，啖啖肉，

呢個熟度肉質夠哂鮮嫩，正！

仲有大半個薯蓉係隔離，點下汁食又令一番風味。

食肉獸都滿足啦！

我愛意大利飯，主菜二揀左鵝肝意大利飯。

今次鵝肝冇前菜咁勁，比較細小精巧和薄，

意大利飯個汁好香濃，而且飯身不算好硬，不錯！

仲有唔少菇菌類加入，整件事配搭得好好～

飽左？仲有甜品。

提拉米蘇及牛奶布丁

牛奶布丁都幾滑幾甜，愛甜人士可以試下。

提拉米蘇正方形細細件好的骰，有少許芝士味，唔錯。

仲包埋冷熱飲品，叫左一凍一熱咖啡，

凍飲自己加糖漿，又幾細心！

熱那個可以自己加糖，本身咖啡味唔濃，不過都可以。

埋單$300都唔洗，超大食呀媽都食到飽，唔洗再帶佢去食甜品。

原來有時睇一D地方裝潢級數係分唔到貴平同埋味道。

間中黎呢D地方食個飯其實都係一個高級既享受，

唔好以為$150 一個人既西餐唔夠好，只係心理作用。

唔好做對價格見高拜見低踩既人，試過，唔好理價格先好講食物質素～

所以我好推介呢個2人餐比你地，其他食物唔知，

我地今次揀既都好好，所以上左OPENRICE唔明點解咁多負皮？睇唔透呀！

- 此文章筆風比較偏激，唔喜歡既唔好睇，多謝收看 -
題外話/補充資料
紐西蘭香草燒羊架必食，唔點係損失。

============================================

感謝 siu_shan 提供以上資料

siu_shan 的網誌: http://www.openrice.com/zh/gourmet/reviews.htm?userid=518721&city=hongkong

============================================