【美食】食完能夠番本的番本日式放題OvO

放題同自助餐呢排好少去，因為覺得會逼自己食太多野>__< 而且怕肥

好耐過任食既食評了，所以今次揀左位於旺角的番本日式放題！
好方便就係旺中後面附近～

因為怕冇位，我地早一日訂左晚上6:30的檯，原來檯只保留10分鐘，所以遲唔好遲多過10分鐘呀！walk in未必有位架～～
環境唔錯的，當天唔算太多人。
入到去，我同peggy只能坐二人檯>_<　不過都係正常的！

然後就係大家最關心既菜單XD





一開始就叫野飲先～怕熱氣所以揀左好耐歷史既清涼爽，其實本身有茶提供，都幾好飲架，Menu勁厚！款式有好多～

我地一次過叫左好多（怕上菜慢），但檯面比較細，可以放到既食物有限，搞到食得有d趕~
先講下我最愛既- 刺身！有好多款式揀，有三文魚、吞拿魚、鯛魚等等～刺身有海產味，除左赤貝好爽爽，同埋希靈魚好食之外，其他但不算特別的好吃/難吃。
另外叫左軟殼蟹手卷，超正！！軟殼蟹好脆脆，但個紫菜可以再脆D~
仲有，唔同整法既三文魚壽司也是不錯的^O^

好多小吃，當中和風牛柳粒味道不錯，入口唔算un，似有用鬆肉粉～
粟米水準都唔錯，甜甜地好開胃，帶子都好好食！！雜菌略嫌唔夠味，其實都唔錯～不過中華沙津有d鹼，魷魚就有d un><

一定要講既係呢個人蔘雞湯!！我地2個人飲左5碗～嗅落好香，飲落有少少回甘，好正！！

仲食左好多炸物同埋溫泉蛋，
當中炸雞軟骨粒好夠味，脆卜卜，入口不會太油膩，不得不讚！
香炸棒棒餃子用左韮菜黎整，好喜歡食，香香的～
溫泉蛋比較冷，表面有D黑松露，估唔到放埋一陣都幾正！
不過怕比較生既蛋既人就唔建議試lu～因為比較生>_<
但我愛生生的蛋，所以很愛吃，呵呵！

每位另加$50就可以升級任食赤蝦刺身、北海道帶子刺身、油甘魚刺身、北寄貝刺身、燒羊架、蟹粥、忌廉青口～一場來到當然升啦！
燒羊架味道唔錯，香草味濃，鹼鹼的，喜歡吃羊的一定不能錯過！
忌廉青口好香啊！可惜當日已經吃得有點飽，所以只吃了一次TOT
在赤蝦刺身、北海道帶子刺身、油甘魚刺身、北寄貝刺身當中．北海道帶子刺身是我的最愛，因為好鮮甜好清甜呢！返叫了幾次～油甘魚刺身、北寄貝刺身平日我也沒大興趣，所以味道也是正常>v<赤蝦刺身比手指還要長，沒雪藏味，但就不夠甜咯～因為我比較喜歡甜既蝦刺身呢！

最後到甜品類～
炸香蕉朱古力正！雖然香蕉唔算太甜，但夠哂脆夠哂熱，再加朱古力醬令佢更加甜~
雪米糍有2隻味揀，有綠茶味同香芋味，我地揀左綠茶味，甜度都可以～我好喜歡吃甜野XD放一陣先好食，唔係既話會好硬。。
芒果布丁好滑，亦有芒果肉係內面，喜歡吃芒果布丁的必試！！
雀巢雪糕都唔少得，揀左朱古力味～

2小時的時間過得很快～1.5小時就就要last order>_<”
漏單情況極少是要讚讚的，因為只漏了一碗人蔘雞湯，追單後極速拎黎
這個時間大約是($198/人, 加一服務費)，服務員態度好好，上桌的速度驚人，款式選擇亦都好多，全部食品都可以無限添加，沒有限量，算是物有所值的！^O^
分享就到這裡~
 

============================================

感謝 siu_shan 提供以上資料

siu_shan 的網誌: http://www.openrice.com/zh/gourmet/reviews.htm?userid=518721&city=hongkong

============================================