8 雜莓星球 ♥ 炒雪糕 ♥ Spade by Lassana

雖然這幾日天氣凍了很多

但是 ... 

無論天氣有多冷，我們都咁鍾意食雪糕 ... 尤其是兩隻小魔怪 ~~

趁著 Happy Friday 唔需要趕功課

就去了嘆個悠閒的下午茶

望住海景嘆下午茶真是幾悠閒寫意的

唔好以為有個海景就會好貴 ... 這兒好抵食的，下午茶時段還有幾款下午茶套餐任擇

但是兩隻小魔怪一入來，已經被門口的雪糕吸引住

當見到剛推出的「炒雪糕系列」MENU 

諗都唔洗諗就擇了一款炒雪糕

    

一向鍾情雜莓的囡囡擇了好 fancy 的 雜莓星球 HK$40

用自家製的薄脆窩夫裝著一大球雜莓雪糕

雪糕上面放了一個迷你士多啤梨撻，好似頂紅卜卜的帽子 ... 賣相很吸引 ~~

而貪吃的我們還加了棉花糖 topping

其實還想加埋迷你 Kit Kat、迷你三角朱古力、蝴蝶酥 ... 但是好似太多配料，好過份咁 ...  

雜莓雪糕味道酸酸甜甜，味道好 FRESH

還有好濃郁的莓香味 ... 當然喇 !!! 因為加了很多藍莓和紅桑莓去『炒』的

囝囝就點了份 香蕉朱古力窩夫

厚身的窩夫做到外脆裡面鬆軟

配搭香濃又唔太甜的朱古力雪糕和香蕉一起食就至好味

還好合囝囝的口味 ... 一下子就 KO 了它

另外，亦多點了一份炸薯角 HK$18

連皮的炸薯角外層脆卜卜，但又不會好油膩

一咬落去裡面熱烘烘又軟糯，好彩我食得快，否則又被兩隻小魔怪食哂 !!!

Spade by Lassana

香港 九龍 油塘 高超道 38 號 大本型 地下 G28 號舖

** 以上分享是以我的口味、喜好和情況作出感受和分享，一試 / 合用與否請自行決定