之前已經在網上有見過呢個地方, 到今日順路終於有機會上嚟睇吓
沿住九龍站扶手電梯一直上, 到咗圓方再繼續向上乘扶手電梯到港鐵站上蓋!
轉右手邊木樓梯行上去會見到呢個噴水池同小小草地
我哋喺度停留咗陣俾佢哋喺度跑嚟跑去
因為今日都算幾大風, 所以好快就叫佢哋行過去兒童天地嗰邊
可能今日係年初二仲係大家拜年好時侯, 所以我哋嚟到見到好多人
多數係大家嚟拜完年順帶喺度俾小朋友放吓電
基本設施都有啦! (不過居然冇芊芊最愛既韆鞦喎!!!!)
仲有好多新款既設施, 其中我幾鍾意係呢個單車式既氹氹轉!
不過如果有小朋友想唔玩落車, 或者有新小朋友要加入, 就一定要大家一齊停落嚟
睇住比較細既小朋友會跳車haha...
另外呢一款設施開始有好多地方都見到! 都幾好玩架
玩法就好似倉鼠咁不停跑個圈就不停轉
不過轉起上嚟都真係可以好快, 要小心D!
豪宅即係豪宅, 外國小朋友都幾多!
Hysan 樣樣嘢都去玩吓! 首先係爬...
跟住都係爬....
最後都係爬...
哥哥開始大個仔, 我都追唔到佢, 睇少一眼已經唔知佢行咗去邊
呢條瀡滑梯都幾高幾長幾刺激!
至於呀芊就鍾意玩瀡滑梯, 玩完又玩, 玩完再玩
佢仲專登要擰轉身瀡落嚟!
之後開始入夜, 風都開始大起上嚟, 我哋玩多一陣間就搭番港鐵番屋企lu
Photo by CANON 5D Mark III, Len | EF 24-70mm f2.8L USM, iPhone 5s
呀劍評分: 8分
呀劍評語: 呢個遊樂場地方好大, 足夠小朋友跑嚟跑去爬嚟爬去! 同埋有好多新款玩樂設施, 不過冇咁方便既係附近冇洗手間
九龍站圓方上蓋公眾兒童天地 簡介
設約十組包括繩網、垂直攀石牆、傾斜管、平衡木、站立式搖搖板、搖搖車及腳踏氹氹轉等遊樂設施，大多是訓練平衡、動作及身體意識等感統的遊樂設施。
8
[親子旅遊] 九龍 九龍站圓方上蓋公眾兒童天地
圓方上蓋 公眾兒童天地
G-fit
Kinder Path
大富翁夢想世界
完善公園
美國冒險樂園 (太古店)
大埔海濱公園
中國香港世界地質公園 (甕缸群島)