3月9日- 3月13日 (吉隆坡5日4夜。生活旅遊)
3月12日(星期六..Day 4)~小寶day off..一行4人出發遊玩
之前老闆講過想食大馬"肉骨茶"~原本去"吧生"食既
不過"海鮮肉骨茶"..大家又未試過~感覺幾特別
反正上次係"吧生"食過~今次一齊試下"海鮮肉骨茶"呢
是日細表安排.."Tanjung Sepat & Bagan Lalang(一日遊)"
由於車程要over 2小時~所以出發時間要早一點
較定鬧鐘..07:15am起身~8點左右係Apt接我地出發
好攰! 昨晚大家都飲得太暢快~依早都未太回魂
好在小寶夠精神揸車..我地就閉目養神(真係辛苦晒)
* * * * * * * * * *
10:00am趕緊去到Tanjung Sepat~早餐@裕記海鮮肉骨茶
細表好似聽到就黎無晒~所以急急腳去落order先
小寶就洗杯+泡茶~我影相..老闆就呆(完全未回魂)
"酸辣魚肉湯(細)" & "海鮮肉骨茶(中)"
湯底酸酸地..飲啖即時開胃~魚肉口感比較實+鞋
所以好奇問問細表~大馬魚肉本身係咪咁既口感?
因為香港好鬆彈ma~佢話..係咁架!
"海鮮肉骨茶"
有魚春, 中蝦, 豬肉
魚春好粗大..啖啖口感~蝦灼得有d過熟..但肉質新鮮
肉骨茶湯底..藥材味較正宗淡薄~但帶起有海鮮鮮甜味
可能藥材味過濃~反而仲會cover左海鮮味
油飯好好味~晨早我竟然食晒個飯..食完即刻回魂
反而昨晚老闆飲太多..依日完全無胃口~食左好少
講真..肉骨茶特別為佢而去~佢無胃口好影響其他人囉
(總消費:Rm68)(約$132)
食完肉骨茶~飲"沙梨汁"@梅梅莎莉果汁
旁邊有棵莎梨樹
"沙梨+酸梅"..好開胃~沙梨清淡甜帶微澀~飲完喉嚨好舒服
沙梨+百香果"..百香果甜中有少少酸~混合果汁味道更甜美
老闆娘請我地試食既"沙梨"
就咁食會有澀口感~所以加鹽有中和作用
行逛完特產店~再去食"(貓山王)榴槤雪糕"
原味榴槤..香濃唔太甜~味道都唔錯
但如果入面有榴槤蓉..會仲更加吸引
大馬好友話依日身感熱度~就係平時講既45度
依日真係好熱~熱到終於會出汗+太陽超猛曬
天氣熱..食ing雪糕~細表又去對面買果汁一齊飲(哈哈)
"火龍果+百香果"~老闆話好酸..我又唔覺喎! 好開胃
"紅火龍果"係香港賣得唔平+唔係成日有來貨
大馬既又巨又甜又平~真係想食多d先返香港
(待續)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================