pizza express

早幾日一行四人去了旺角新世紀廣場既pizza express食晚餐，這店好多年前幫襯過一次，難得朋友想食西餐，又可坐下慢慢傾下計，加上剛好有四人套餐選擇，所以就選擇這裡.

我們一早打電話黎訂定位

雖然俾了四入檯俾我們，但我覺得張檯比較細，一陣放唔放得晒d食物架？

我 們點了個四人套餐，分別兩個頭盤、一個沙律、兩個薄餅、一個意粉、汽水四杯，而我們頭盤點了薄切三文魚同意式凍肉拼盤+$50蚊升級、雞肉凱撒沙律、肉醬 長通粉、四式芝士薄餅同帕爾馬薄餅+$20蚊升級、檸茶任飲，另外再點了白汁蟹肉意粉、焗蘑菇芝士沾醬、甜品拼盤，埋單$890蚊

薄切三文魚:煙三文魚我麻麻地，味道比較簡單

意式凍肉拼盤:呢個有些份，雖然都知一分錢一分貨，價錢已反映質素

焗蘑菇芝士沾醬:這個焗蘑菇夠晒香濃，食落又唔太膩，唔錯

雞肉凱撒沙律:平時我都唔喜歡食沙侵，呢個沙律真係好普通！

肉醬長通粉:個醬好夠肉味，係我較喜歡的

四式芝士薄餅:我初時還以為會好濃既芝士味，但食落又唔覺，不過這樣亦嚐得到茄醬既味道，加上很喜歡咁薄既薄餅

帕爾馬薄餅:火腿味道較淡，變了個餅味道有些單調！

白汁蟹肉意粉:這個意粉食落竟然係辣的！個職員應該一早提示下啦，搞到個味古古怪怪......

甜品拼盤:可以同好朋友慢慢邊傾計邊用餐，真係特別開心，這晚食到成十點幾，d職員都換晒衫等收工，好彩還有其他客，真唔好意思heehee

凍檸茶

單據