0

HK : 上過山也下了海 @ 蚺蛇尖

漂泊中的魚 於 2016-05-31 00:00:00 發表  |  累積瀏覽 1341

分類:

 

 

本星期跟朋友又為了登山目標而努力, 這回仲行得激左少少, 足足花了接近 9 小時來走完整個行程.

先說明, 這篇真係大長篇黎架, 嚴格可以分 2 篇來出, 不過我實在有太多遊記未處理, 還是快快手手好啦 !

這次行山有了點體驗, 也因為犯錯而有所得著, 值得要跟大家分享 並 請大家不要重蹈覆轍 ~

我們在北潭涌乘巴士, 到北潭坳下車, 這就是起步點, 要逆走麥徑 2 段往赤徑.

於北潭坳起步之前, 剛好朋友遇上朋友, 得知西灣附近有山泥傾瀉封路, 可惜當時我倆没有太上心, 結果回程時就得食這個惡果.

這是我們第一個檢討 – 出發前要清楚了解行程上的路況 !





 




 

很順利的快步來到赤徑, 這裡的景色很不錯, 一如以往的平靜.

來過很多次, 今回才發現在碼頭旁的舊石碑, 字跡已被磨得七七八八, 不過還可以看到 1955 年的證據.

今回可能四周都水漲, 成日見到大大隻紅蟹在四周亂逛, 我叫牠作 Iron man, 因為佢地真係似囉 ~




 

 

果然剛過了赤徑, 就遇到封路 !

問過了剛好經過的技工師傅, 聽他們說得輕描淡寫的, 就跟著他們續繼前進.

結果我們先經過了相二那處的泥濘路, 路面是濕滑而鬆軟的, 要踏著舖在泥上的樹枝及木板而過, 還算輕易地通過了.

再往前行, 再遇上泥石流 …

結果仲有個難關在前, 相四中的樹藤欄係一片大型山泥傾瀉位, 結果我地要先攀過樹欄, 再渡過爛泥沙路, 才成功回到山徑之上.

講真我地真係似住自己皆行得爬得, 但也有點點搏呢堆泥沙尚算穩定, 如果前兩日有下過雨, 就真係唔應該咁樣走入去架啦 !






 

終於來到蚺蛇尖的山腳底, 也是蚺蛇尖徑的起步點.

剛起步都是石級來的, 慢慢邊上山, 邊望下風景, 天色不怎麼樣, 我們本來也打定輸數上左山都冇乜景睇.








 






 

想說為何行山人都說蚺蛇尖難度高 ?!

山路險要可以是其中一個原因, 看一下相三中的山路, 我真係要手腳并用咁爬上去.

風大一點, 路滑一點, 踏錯碎石都可以令到行山者失平衡, 因此要上山者先要衡量一下, 記得上得了山, 還得要下山哦 ~








 

 

係咪以為我好嘆 ?! 其實係剛好有個位, 可以坐下小休, 又可以拍到張靚相咋 …

由蚺蛇坳上蚺蛇媽呢, 真係都幾花氣力架, 不怎麼停站直上, 花了我們半個小時左右啦 ~











 

 

來到蚺蛇媽, 是一個小平台.

行山者們可以在這裡小休一下, 補水補糧, 準備好再上蚺蛇爸.

在這裡有分差路的, 天色不對想下山, 可以走往東南的山徑下大灣, 也就是我們的回程路.

有見雲霧不時被吹散, 山下景色間一可見, 我跟朋友決定把握時機, 快手登頂.



 







 

登上了蚺蛇爸, 蚺蛇尖就清晰可見了.

不過路程尚未完結, 請努力吧 ~

誰想到在這麼一條登山路徑之上, 會遇到了牛牛丫 ?!







 

我們 … 成功登上了蚺蛇尖之峰了, 海拔高度 468 米, 不算是很高的一座山, 卻是香港三尖之一.

老實講, 另外兩尖我都仲未去, 不如就等我呢期去攻陷埋兩座山吧 !?

看看風景, 就明白行山的樂趣, 就是為了這一幕幕山上的景色 !

香港的風景, 真的很美吧 ?!

 






 

另外一群山客說, 要站在測高站上往山下拍, 才拍得完那條蛇路.

我就不要用站的, 坐上去倒也不難 ~

没有雲霧遮擋下, 山下的海景清楚可見 ~

相二中, 左邊的是東灣, 可經米粉嶺前往, 中間的是大灣, 左邊的則是去過數回的鹹田灣.





 

我們一早預備了飯團帶上山頂吃, 那還等什麼, 開動吧 !!

隨著雲霧漸重, 我們也休息夠了, 那就得開始下山了.


 




 

下山路程一點都不比上山容易, 反而難度還再要高點.

在這裡我拍了一個 Video, 就跟大家分享一下吧 ~








這邊是在蚺蛇媽分支線上, 改道直往海灘方向而行.

呢邊風景真係超美的, 背靠蚺蛇尖, 前望東灣 及 大灣, 真正背山面海.

咪話唔提你, 睇景還睇景, 下山路還是不太易走的, 要小心路況 !











 

呢度下山路況係點 ?!

你睇到啦, 咪要手腳並用囉 ~





 

 

哈哈, 我都知我無聊, 不過相中呢舊石真係好似一條鯨魚, 而我就係無意中俾鯨魚咬住左的一條魚了 ~ XP

今回多謝我朋友係後邊影咁多相, 所以可以放多幾張背影相出黎 ~









 

下到海灘前, 還遇上了牛牛, 其中有隻對我地好好奇, 係咁望實我地, 幾驚佢會走埋黎呀 ?!

不過正正係因為咁, 我地可以影到有佢地的靚靚相.

足足花了個多小時, 我們才成功由山頂走到大灣沙灘.






 

未來過大灣, 原來大灣比鹹田灣還要廣濶, 而且要更平靜.

看看沙灘上没有人插手的天然生態就知, 這邊遊人真的不多.






 

 

我們又找到了一個拍照的好地點 ~

我們下山後, 又有點餓意, 就在海邊坐下來, 吃掉了買來的麵包.

有時行山, 真的要帶備適量的乾糧 !







 

走後山小路, 會經過蚺蛇尖下的一片濕地, 以及與薑花偶遇了.




 

小路相連接到鹹田灣, 怎料來到士多旁才發現那特色獨木橋被打斷  … …

没有其他選擇, 我們只好脫鞋赤腳涉水而行好了 ~

没關係啦, 反正我們都一身濕透, 加上又污糟, 那就當洗洗腳降溫了 ~


 





 

 

赤住腳走沙灘, 其實真係好爽架 ~~~~

如今的鹹田灣似乎出名了, 很多人 (尤其外國人) 會乘快艇來這裡 hea, 好不熱鬧 ~







 

走過了山頭, 我們來到了大浪西灣 !

從來没有遇過咁水漲的西灣, 原來上星期紅雨令到西灣成為重災區, 而且很多災區還未被清理好.

而我們在這一刻尚未察覺到那嚴重性 … …







 

 

有冇見過牛屎上生菇 !?


 

西灣呢道橋, 係上星期都被沖爛了, 就連路燈都被沖歪了 !

相中的叔叔在正放網, 不過看到天色轉變, 都忍不住向我們大叫道 “快走哦, 大雨要來了 !”



 


 

 

西灣最近多添了些 Graffiti, 都是魚來的 ~~~




 

 

我們匆匆往海邊茶座吃豆腐花, 以為可以順道避避雨, 怎料吃完整碗豆花都未開始下雨.


 


 

嗱, 結果我地又出事啦, 明知大雨快來, 都冇打算坐船回黃石, 結果出左村口都未上到山, 大雨就開始下起來, 仲係超級大個種 !!!!

又一次似住大家頂得順, 我們硬要繼續上路.

而且很禍不單行地, 原來出去的路上有數處山泥傾瀉尚未被清理, 我們在雨中要踏著滑泥攀過斜坡, 後再加上要於吹筒坳改道經山邉回西灣亭 ~

走完這一道, 我們真的全身濕透, 還開始有點寒意, 得暫時留在西灣亭內避下雨 !






 

等到天色明亮一點, 雨勢收了點, 我們繼續上路.

這條西灣路其實早已被關閉了, 因為其中一段路有大型山泥傾瀉發生, 正在進行維修之中, 尚未能重開車路.

我們只好由西灣亭一直走回北潭涌, 花多了個多小時, 一共八公里才走完.

真心覺得這回是幸運, 我跟朋友的體能可以支持走完全程, 捱得過太陽晒以及被雨淋, 没有受傷又或凍親.

我們檢討過, 如果同行有體能稍遜的朋友, 估計在西灣定必會坐船回黃石; 卻正正我倆都是捱得之人, 反而就會因為大膽而草率行事, 後果其實可以很嚴重.

今回得到教訓也作出過檢討, 下回真係要保險一點, 到咁上下要懂得進退, 而且真係要花多點時間去查明路況.

明明一開始朋友的朋友就說過西灣路封了, 偏偏聽過就忘了, 咁就真係抵死啦 ~










 

今回一走 19 公里, 花了接近 9 小時, 當中有休息的時間, 也有等待的時間.

路程有點辛苦, 看到的風景卻絕對值回票價  !

這路線絕對值得推介給有體力的山者, 不過記得要在好天氣下先好去喎 ~



============================================

感謝 漂泊中的魚 提供以上資料

漂泊中的魚的網誌: http://traveling-fish.tixmart.org/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
蚺蛇尖
地區:
西貢
消費:
$60
分類:
運動
8
18421
中國香港世界地質公園 (印洲塘)
地區:
西環
消費:
$150
分類:
景點,運動
6
9876
中國香港世界地質公園 (赤洲-黃竹角咀景區)
地區:
粉嶺
消費:
$203.3
分類:
景點,運動
6
11200
鶴咀海岸保護區
地區:
石澳
消費:
$20
分類:
景點,運動
7.2
35571
小夏威夷徑
地區:
西貢,將軍澳
消費:
免費
分類:
運動
8
28861
鳳園蝴蝶保育區
地區:
大埔
消費:
免費
分類:
運動,景點
7
17204
白沙灣 (西貢)
地區:
西貢
消費:
免費
分類:
運動,景點
8
20001
紅梅谷自然教育徑
地區:
沙田,大圍
消費:
免費
分類:
運動
7
12966
0人比"掂"

最多能輸入300字

累積瀏覽 486196

全部攻略 1740

全部回應 34