我怕痛 ~ 剥智慧牙

五月二十五日...我發覺牙肉有少少腫起...

初時以為熱氣所致...誰不知...

一日比一日痛...一日比一日腫...

五月二十七日晚痛到瞓唔到呢...

五月二十八日打算一早食個早餐就開始同個女温習...

點知...食已經好困難...痛到咬不下...

老公見到我食不下...估計我的情況已經超出熱氣...

即時揾埋電話叫我即刻打去預約睇一睇牙醫...

約了四點半...只有繼續原定計劃...回家温習後就再去了...

當日的面珠已經有微微腫起...

一邊温習...我要一邊用冰墊敷住面珠...讓自己感覺舒服一點...

牙痛慘過大病呢...老實說...當天名符其實是食唔安坐唔樂...

温習我都頭昏腦脹...好難集中精神...

好不容易捱到四點...點知下起超超大雨...黃雨出來...

幸好...牙醫就在我家附近...

不幸...我依然避唔開濕左褲的命運...

等等等...等到六點半先到我睇...

照左X光片...牙醫話我的智慧牙作怪...

有少少移位...牙腳逼住大牙喎...

牙醫俾我兩個選擇我...一是消炎...二就剝智慧牙...

智慧牙二千八一隻...你考慮一下...

牙醫講剝智慧牙的時候...我打一打震...因為...

以我睇過智慧牙的經驗...大部份牙醫異口同聲話發炎就唔剝得...

可能...這個牙醫太神了...

不過...我當然提出心中的疑問啦...牙醫就答我可以剥...沒有問題...

可借...我怕剝左痛到講唔到野幾日...温唔到習...

所以我就決定消炎...等考完試後剥...

食左消炎藥同止痛藥...痛楚得到舒緩...

但藥效一過依然痛楚難當...連續兩天晨咁早六點就痛醒了...

五月三十日...老公見我依然未有好轉...

叫我離考試有三天時間...不如...即日去剝喎...

我等到牙醫診所一開門就打去約夜晚診症時間了...

約左八點...我打算食左晚飯去剝...剥完回家可以瞓覺...

等到九點幾就入去打三支麻醉針...出去等一陣再入番去...

一入就入左四十分鐘...即是剝牙的全程時間了...

隻智慧牙好難攪...攪左好耐...中途要加一支麻醉針呢...

牙醫拎起線...護士拎起剪刀...我就知要鏠針收場了...

一剥完坐起身...我已經感覺到咀角損哂...面珠腫哂...

出房前我就帶住口罩免得嚇親人...

等大約十五分鐘...人穩定下來...

護士就叮囑我一樣又一樣重點了...

消炎藥要全部食完...止痛就有需要的時候食...

回到家等到十二點食少少野就食藥...以免零晨一點左右麻醉藥完全過後會痛...

口入面的紗布食藥的時候換一次就咬住到第二朝早...

盡量唔好講野...避免麻醉藥影響會咬到自己...

二十四小時不能擦牙同潄口...以免傷口會出血...

護士可能驚痛到唔記得...俾左一張備忘我呢...

重點來了...護士俾番碎到唔識形容的智慧牙我...

唔講唔知...原來是一隻牙呢...

回到家沖左涼坐定定...十一點左右啦...

我就手寫嗲老公...話俾老公知剝牙情況...咀角同面珠點點點...

十一點半開始...麻醉藥效開始過...

痛的感覺來了...我開始坐立不安...

老公問我要唔要提早少少食藥...

當時我就諗住照舊十二點食啦...希望藥效可以維持...可以瞓好一點啦...

可是...痛楚隨時間一秒一秒咁過去...不斷增加...

個一刻...我真係頂唔順...喊了出來...

可能有人會話生仔仲痛啦???點解生仔就可以忍到痛...

剝牙好少事啦...不過...我想講這個痛是痛到頭爆咁...唔同生仔個一下...

在家中周圍行不斷咁行...希望可以分散自己...

最終...我投降了...決定提早食藥希望可以提早止一止痛...

一食左藥...我就瞓落床...

因為...痛到我沾沾寒...我需要蓋上被窩中呢...

待止痛藥發揮藥效...頭崩欲裂的感覺就慢慢減少...可惜...

我依然眼光光到天光...唔係我唔想瞓...

係痛到完全瞓唔到...我不停起身行來行去...

這一個夜晚對於我好漫長呢...

幸好...翌日中午開始...痛就慢慢少了...

六月三日星期五...我已經好番好多...傷口的痛已經痛少了...

可惜...我咀內出左好多飛滋...飛滋引起了痛...

慶幸我已經唔再需要剝智慧牙...

FACEBOOK 專頁 : https://www.facebook.com/mrmoon.renelee

歡迎聯絡我  ~ bbg1668@yahoo.com.hk

歡迎合作...

月兒部落分社 :

BEAUTY LIFE

BECB

THEXXXXX

BLOGSPOT

SHE

UBEAUTY

QOOZA

QOOZA BEAUTY

BLOGDB

SALADB

SINA

ELLE

MYAGE

WESHARE

FANPIECE

SEEWIDE

MYBB

PIXNET

INSTAGRAM ~ MRMOONMOON 

純粹個人意見...請大家多多指教呢...

免責聲明 ~ 

本文發表的每一字一語內容全屬個人意見同感受...

不代表品牌的言論同立場...

如需獲得更多資訊同協助...煩請直接聯絡品牌查詢或尋求相關專業意見...

如從而引起的任何損失或法律糾紛...本人概不負責...