友聚。妹記大排檔(旺角)

7月10日(星期日)~上星期五..Baby笠係line谷問我地

星期日去邊? 我話未有節目~佢話去"妹記大排檔"食晚餐

我無所謂! 等老闆覆佢地呢~因為之前..我同舊同事食過

講定搵日同老闆再去~上上個星期六想去..又訂唔到檯

諗住昨晚去食既~咁岩Baby笠&小奧話去..咁就一齊啦!

因為依間都好爆~所以叫Baby笠訂定檯..訂左6點

依日約17:30等埋一齊去~我地晏左出門..遲左10分鐘

真係唔好意思要佢地等呢~是日友聚晚餐@妹記大排檔




藍妹加左價($32/支)..咁飲青島($22/支)

小奧同老闆來張..碰碰戰鬥碗





大排檔格局..比街舖乾淨+環境都好舒適

所以覺得好岩Baby笠黎試~因為佢都like食小菜

"豉椒炒蜆"..蜆肉唔算大粒~炒得都唔錯..個汁食到有豆豉香





"椒鹽魷魚"

上次試過九肚魚~我覺得切得太細條~所以今次試魷魚

炸得香口鬆脆~但魷魚都係切到好細條..可能方便佐酒卦





"秘製鋼鍋雞"($98)

唔可以用雞煲既味道比較~因為味道無咁濃烈

依個有少麻辣味..鹹度ok~雞肉肉質不過不失

煲內仲有筍片,木耳等蔬菜~但整體味道唔算吸引





"咸魚茸飛天通菜煲"($68)

本身見佢d菜~都炒得有鑊氣又保持到脆綠

依個味道唔過鹹..好平均~夠鑊氣..菜好脆身~份量多..好味





"小炒皇"..上次好味d~今次d魚仔無咁脆..有d硬+韌d

食材仲有魷魚,帶子,蝦仁,蝦乾等海鮮~味道都唔錯





"酥炸桶蠔"($148)

打邊爐叫"桶蠔"都要$148/以上(所以整埋我覺得好抵食)

炸層好鬆脆~桶蠔仲有點點肉汁..依個我好鐘意

我地每次點2個小菜~因為上菜速度好快(即整熱辣辣)

諗住慢食慢傾..又可以坐得耐d~職員無催趕

服務都好ok~食物依然ok~食到21:30要走啦

因為星期一..小奧同Baby笠要返工呢





小奧同Baby笠剛去完曼谷~之前問我有無野買

無啦! 諗住會一年去一次掃貨..費事麻煩佢地ma

咁佢又買左手信比我地~岩晒戶外活動時用(Thx..笠)

============================================

感謝 Yanomi 提供以上資料

Yanomi的網誌: http://yanomichung.blogspot.hk//

============================================