友聚。好好肥牛雞煲店(佐敦)

近排靜下來..不其然用心感受自己~真係好enjoy依家既生活

近依半年..由其老闆假期~懶洋洋最鐘意賴床(起碼賴成個鐘先起身)

以往習慣起身會去街~依家就享受長時間留係屋企(實在太舒服)

慢活! 好享受依種悠閒自在~而我..每日可以做鐘意做既事

追劇,打機,上網搵食,約朋友,做research~有心情就整下野食

想為某d事..特別做記錄就寫blog/專頁即時分享生活點滴

隨心而活..享受自己既生活~真係最舒服+人都特別開心

* * * * * * * * * *

7月23日(星期六)~依日好早醒左..上line谷打個招呼

賴床..睇報紙~睇睇下又翻瞓到11點~起身煮上海麵食

食完..上網搵下夜晚食咩呢? 老闆話想打邊爐喎

搵緊果陣..baby笠問我地去唔去"妹記大排檔"食飯

老闆話唔去..因為感覺岩岩食完~想食下其他新野

咁知baby笠都鐘意打邊爐~問下佢地有無興趣去啦

原本搵左間係深水埗~後尾再搵..見佐敦有間都幾好

反正我想去廟街行下d髮品~行完..係附近食都方便

咁問問baby笠~佢地話好! 仲早d約埋一齊行髮品

行完又未夠鐘~同baby笠去莎莎睇野..順便涼下冷氣

不過佐敦(彌敦道)莎莎~我話過買野一定唔會幫襯依間

事源睇緊Dr. Jart+ BB Cream~咁岩個sales叫緊個自由行

咁佢停左我咪問佢野囉~個樣勁唔耐煩..d態度仲衰到呢

我即刻黑面~好快插返支BB Cream~如果佢轉頭搵返我地

我會同佢講..唔駛啦! 我會係第2間分店買(但最終佢都無再理我地)

出左門口..即刻同baby笠鬧爆佢~佢話以為我無野添

我話..最鬼憎依d sales架(莎莎業績唔好~唔多唔少都因為依d員工囉)

邊傾邊行去食店~是日火鍋晚餐.."好好肥牛雞煲店"

送上前菜"酸木瓜"($12)~另茶芥醬($12/位)








黑啤($38/支) & 藍妹($30/支)(x2)





諗住補一補..黑啤mix啤酒

小奧同baby笠話想試下淨飲..咁一齊Cheers啦!





"海底椰雞鍋(半隻雞)"($128)





湯底有馬碲, 粟米, 鮮海底椰, 紅棗, 杞子

倒雞滾熟..大家先飲碗椰子雞湯~味道有清濃椰子味





"炸響鈴卷"($38)

標榜用新鮮腐皮..卷後再炸~唔係現成來貨

我本身唔鐘意灼食"炸響鈴"~鐘意即食脆口既

依個新鮮即炸..熱辣辣~層層帶酥鬆脆..好正

伴上酸甜醬汁~味道好唔錯





"美國桶蠔"($138)

好大隻..品種係爽口既~有蠔鮮味





"脆鯇骨腩片拼盤"($98)





兩款魚非常新鮮..肉質通透有光澤

有魚味..骨腩有魚油香~帶彈性又脆口





"日本黑豚肉片"($78)





新鮮..肉質靚~完全無瘀瘀黑黑

肉質比較瘦..口感結實





"自家製四寶丸(7選4)"($75)

揀左貢丸, 墨魚丸, 蝦丸, 蟹籽包心丸"

食左墨丸&貢丸..丸類都唔錯





"田園什菜籃"($48)~蔬菜籃料足+新鮮





食店老闆都鐘意同客人交流~同埋聽客人意見

最後..仲送上"杞子圓肉桂花糕"

料足..帶淡淡桂花香~味道唔太甜~口感有彈性





我地再叫個"豆沙窩餅"($45)

新鮮即整..金黃香脆熱辣辣~豆蓉好豐富唔太甜

整體食材新鮮..食物有水準~地方乾淨光猛冷氣好足

服務好唔錯~唯獨食客唔守規矩..係店內食煙(總消費:$837)

============================================

感謝 Yanomi 提供以上資料

Yanomi的網誌: http://yanomichung.blogspot.hk//

============================================