本來說好了要齊齊上青山, 無奈天氣預告又一次整蠱我們, 結果臨時縮短兼更改行程.
轉一轉, 我們來個短行馬鞍山 !
話說懶開有條路, 平時我都會行上去馬鞍山 BBQ 場, 今回我地乾脆坐埋車上去 … …
每一次去馬鞍山村, 似乎都有新發現,
自礦場原路折返, 我地繼續上山去, 直到去到分差十字路口, 我地走回馬鞍山方向, 咁先可以去到大金鐘的上山入口.
呢邊風景唔錯架, 不過好以自毅行之後, 我都冇走過呢條路線啦 ?!
由呢邊上大金鐘, 相對冇咁斜, 易行一點.
大金鐘唔算難行, 快上快落咁的形式, 就係上下山都較斜, 但路程並唔長, 好快行完啦 ~
話咁快上到山頂 !
大金鐘高 536 米, 在這裡剛好可以望埋昂平, 同埋西貢市, 遠少少仲可以見到沙田同科學園 ~
大金鐘山頂上的 Panorama !
上完山, 就梗係要落山, 呢邊下山就要慢慢黎, 手腳並用下都好快手.
邊看住昂平邊下山, 只想到我們就快有午餐吃了 ~
來到昂平大平地, 最好梗係搵個地方坐底, 食個午餐, 再訓個覺啦 !!
呢度真係越黎越熱鬧架喎 … …
是日冇滑翔風箏, 但有好多登山者, 有點太過熱鬧 !
可能 ? 因為 ? 或者 ? 呢日係重陽節, 人人都走左去登高 ?!
下山, 直走回西貢市 !
全程 7 公里左右, 真正行的時間唔夠 3 小時, 主要都係 hea 下訓下咁, 好悠閒 ~
回到西貢市, 說好了的下午茶, 買左一個芝士蛋糕, 兩份火腿, 一杯咖啡, 幾杯飲品 … …
運動錶上寫的 600 kcal, 應該完全被補充番晒囉 !! 呵呵 ~
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
