2017-3-30 我六個月大了﹗ (6M)

我六個月大了！

半歲的慶祝活動就是去健康院打針針，一次過要打3枝針針，痛到我大哭之餘仲忍唔住要用手仔摸下個大脾仔，好彩有媽媽奶慰藉一下。講開又講，打針的時候姑娘話我望落細細粒咁，睇唔出我個脾仔都幾好肉咁喎。

今個月我開始試奶奶以外的食物，上個月還只是淺嚐奶米糊，依家已經可以代到一餐。此外，今個月還試左香蕉、蘋果、蕃薯、薯仔、紅蘿蔔和粥仔，每次見到媽媽幫我帶肩肩就會開懷大笑，因為知道又有野食嘛！

媽媽話點解我仲未識翻身，但係我都唔知點解要翻身，自己依家不論躺著或趴著都可以360度轉，不是已經自由自在了嗎？而且當食媽媽奶時，轉身都唔知幾迅速，左邊定右邊都難我唔到，咁咪夠囉！媽媽又話點解我唔肯學自己坐，無辦法喇，一坐低就忍不住捉腳腳玩⋯不過依家我都可以坐到BB櫈，出去食飯記住預個位俾我呀。

Comments

comments

感謝 Catherine 提供以上資料

Catherine的網誌: http://www.wufamilyblog.com/~catherine/