KL 兩位大小魔怪經歷了兩個多星期的隔離後,今日終於可以放監啦!
沒有去太遠,選了九龍灣 Mega Box,可行新的吉之島同 IKEA
路經德福,今次商場主題是『勇闖侏羅紀』
好多不同種類的恐龍
阿女話:恐龍識郁識叫,好驚呀!
除了見到10隻識郁識叫嘅恐龍之外,仲會有5副完整恐龍骨架,包括全世界最完整同最迷你嘅鳥腳類恐龍「勞氏靈龍」,同有兩層樓高、56呎長嘅「楊氏馬門溪龍」!
仲見到 Mask & Spencer On Sale!
買了減價的 Pack 裝襪 $65 / 5 對同阿仔的孖煙囪 $125 / 3 條,抵呀!
呢 Pack 襪在童裝部的,但 Size 大人都合穿,一樣 $65 / 5 對,正!
之後見到 KOSE 新出的黑色美白面膜,可美白同時清毛孔,入了一枝試試;商場推廣,兩張單夠 $500 可抽獎,阿仔抽到 $20 Cash Coupon ^V^! 未到目的地已經敗在一大袋,哈哈!
本來想搭接駁巴士去 Mega Box,可惜人龍太長,一家四口終於打的去.
在吉之島買了他倆的玩具後,再到 IKEA 逛逛,對比在德福,新址比較好行,餐廳大了,而且又有波波池比小朋友玩,不錯!
臨走時在 Crocs 買了一對 McCall - Flower Wheels,新出的,是 KL 大愛的紫色,好舒服!
在吉之島購物加錢換的麥兜指頭公仔,好得意呢!
還可憑購物單據申請 Mega Box 會員咭儲分換禮物,幾好!
滿載而歸的一天,呵呵!