首次東京。１月。２０１９年。男人們的十年之約（Ｄａｙ１）

１２－１６。０１。２０１９

小地勤加入花花航空後，坐飛機去日本多過坐巴士去港島。只係去來去去都係日本最南跟日本最北，貪佢洗費無咁貴。今次成功踏足東京，多得老公一班老朋友，話係男人們既十年之約。小地勤死跟過去的，我幫自己同ＢＢ出曬機票，老公都唔好意思拒絕我。

１月１１號下班，我們一家三口就乘坐零晨起飛的航班，而朋友們就坐早上９點多的。零晨帶住ＢＢ飛，好似好殘忍，但小地勤ＢＢ，真係好乖，一坐飛機，就會訓到落機。

上機前，到媽媽工作既地方參觀下。比班姐姐們見下真人。無錯，我個仔係一個大眼ＢＢ，所以好多人鐘意同佢玩，最重要係，只要有人抱，呀媽都可以唔要。。。

晨咁早就到左成田國際機場。老公話好多野睇的，結果佢自己都講，１０年無黎過，好似改變左好多。買唔落手。其實我覺得當你去過日本其他消費平既地方，就唔會再對東京有興趣。係機場搵左個地方比ＢＢ繼續訓覺。訓醒就陪佢玩。原先計劃係等埋老公既朋友先去市中心。結果係機場悶到發霉，都係決定買車飛出去行下。

太奈無試過帶住咁多行李行街，去到市區想搵地方放行李，全部Ｆｕｌｌ曬，天氣又凍，得１度，想搵餐廳坐下，卻發現餐廳都超多人，而且坐位非常迫，唔太適合ＢＢ入去。

又凍又攰，酒店坐車係去唔到的，早知我地攞左駕車先出發，一心諗住學下坐交通工具。老公拖住２個大篋，１大袋ＢＢ野，仲要幫我攞埋手袋。我就孭住１０公斤米咁行左半個鐘，搵到Ｍ記。。。完成左表姐仔交帶既重要任務。

好後悔今次無帶ＢＢ車，諗住自駕，ＢＢ車多餘，結果辛苦自己。係Ｍ記休息完，差左電，我地發現對面有間Ａｅｏｎ，就全程留係超市閒逛買手信，唔打算再行出去。ＢＢ第一次去咁凍既地方。Ａｅｏｎ一定有育嬰室，仲要有熱水同梳化床，我ＢＢ係裡面小睡左一個鐘，其間都係得一個媽媽入黎裝過熱水而已。如果係香港，邊有可能比你用咁奈時間。

推住ＢＢ行超市，佢表現興奮，我相信仍知道自己同爸爸媽媽去左旅行的。返到香港，我先發現，我正係幫ＢＢ同佢老豆影相，忘記左自己。。。

係Ａｅｏｎ食埋下午茶，老公班朋友終於黎接我地。終於可以返酒店，間酒店的確好偏遠，其實我唔知自己係邊個區域，正係知道。。。好似係千葉。佢地成班男人係打算去睇車展。

雖然間酒店好偏僻，但好驚訝７００蚊竟然有免費泊車兼提供免費早餐。７００蚊酒店，仲要由細床房Ｕｐｇｒａｄｅ左我地去雙床大房。原先覺得好貴，現在覺得賺左。