呢排英國實在太凍啦, 突然好想食糯米飯, 材料在家中番兩番就搵齊了. 之前都有整過糯米飯, 不過今次想試下去生炒喎 !
材料跟之前的一樣 : 冬菇, 臘腸, 瑤柱, 蝦乾, 蔥, 當然仲有糯米啦.
1. 糯米炒前一定要浸透, 我就浸左 2 日 1 夜 (主要係尋日冇心機去煮, 留到今日), 炒前將水隔掉.
2. 配料, 如: 瑤柱, 冬菇 及 蝦乾, 炒前亦要先浸發, 將所有配料切小粒, 下鑊爆香, 我覺用臘腸來先炒, 就不用另外下油了來炒配料, 炒好盛起備用.
3. 清鑊後, 開大火下少少油, 再下糯米來炒. 期間下少量水 (水: 我用了一些浸配料的水 及 另外一些清水), 炒時要不停翻動糯米, 以免黏底而炒濃, 炒乾了以後要再下少量水, 如此重覆此步驟, 直到糯米熟透.
4. 最後一次下水時, 將豉油, 麻油, 老抽 及 鹽 拌勻在水中, 再下到鑊中, 同時再將炒好了的配料倒入, 快 手炒趁水乾時拌勻, 就可以上碟了 !!
不知是否心理作用, 手炒的糯米飯上色較勻, 整體質地上亦較好, 糯米飯很綿, 很好咬口, 雖然真係炒到好鬼攰, 手都軟埋, 但我很滿意這個出品.
引用自：http://hk.myblog.yahoo.com/jw!Kg4I.cSHGyhQNEADqTK2gQ–/article?mid=1335
